Unong na asalita la, mantotumbokan so uwab to. Diad pegley na sakey ed saraya nen ilimatá to tan ikopit toy sangi to naimano toy andukerukey a nanlalatip ya ambalanga ran panangisigpitay papil, a makmauksoy so inkipasen dad marakerakep ya estante ya batolinew. Diad beneg na sinansakey walan nabasad ankabaleg iran batek so: SARAY KANUNOTAN.
Alingoanan ton aganoy kaguguló to kaguguló to tan say kasasayaw nen Pepay ed impakanunot ton amin iray wadman ya insulat et bonga ray matalubon kanunotan to ed bekta ran isasabid nunut toy marakep iran kaisipan! Alay karakel na kanunotan iran niduma, kaisipan iran masúri, tan pangidalanan a makapalemew na segsegang ed Pilipinas! Say magnayon a pannodnunotan ed sikato tan say pisasalamat na bansá agamoran to lan talaga.
Aliling bilang na sakey a lakin makaraw a matatken la, ya akaunay sakey ya aboutan a balkot na sulsulat na arowan, si Don Custodio inmalagey ya sinmingger dimad estante. Diad samay onaan a panangisigpitay papil a makapal, abisog tan napnapno, walan akasulat so: KANUNOTAN iran lilimpeken ni."
"Andila!" kuanton makalkalna, "walara diay sankaabigan a pamaakaran balet ta nakaukolay sakey taon a panbasad sikaTa!"
Diad samay komadua ya makapakapal ya makapakapal met akasulat so: "KANUNOT AN iran aaralen....." "Andi, aleg met iraya!"
Manomtumbok iray "KANUNOTAN iran lulutoen...." "KANUNOTAN iran ayari lan imparungtal....." "KANUNOTAN iran ag naako....." "KANUNOTAN iran naako..." "KANUNOTAN iran ag intuloy....." Sarayan unor a panangisigpitan dagdaiset so lugan da, lalo la yay sankaunoran ya angisulatay "KANUNOTAN iran peles a gagaween," sankaraisetay lugan to.
Sinilot nen Don Custodioy cleng to. Anto kasi akasigpit diman? Alingoanan to la no antoy wadmad dalem. Walay sakey a papil a duyawduyaw la ya akabutay na daiset, a singa bilang didilatan tonmay panangisigpitan.
Inoyos tod man ed estante tan nilukasan to: saman manayay nibantog a kanunotan ya nipakar ed Escuelaan Na Marakep Iran Kimey tan Anapay Bilay.
