betang, akalkalamit a pati yalsa ray indio ed Uley, say ngiras
day indio, saray abebá tan atagey a polí inkatoo, say tagey na
kipapasen tan arum niran tilatila tan laslastog. Kalabas na
pinasian labir tan talabutob, agamoran so abuloy cd pangipaway.
tan si pári Salví angipalapag a tampol na sakey a sulat ya intalagad saray katóliko ya anggapo met so nanbasa no ag bukor
bengat nen mangaasikasoy suston kigalot day ipápalapag. Nambabangil a pinmaway a labilabir, kisi nankulkol si General tan
si condesa, kisi saya et mabetbet so panaayam tod pasen iran
panagliketan, no kasi ta nanaalipanesan si Gobernador General,
no kasi ta si consul francés et, no tuan walaray regalo, etc.,
etc. Mansagsayaw ed sangi ray totoo so dakdakel a kangaranan ya wadman iran nibilang so ngaran nen intsik Quiroga, si
Simoun tan pati dakdakel ed saray bibiin pumapaway ed sarsuila.
Nisesengeg ed sarayan makapakasalanan a binmabawag, mapalalo la ingey pantatalaran day totoo, tan nanlapo lad dispiras na pangipaway, a sikatoy agew ya insabí ray pumapaway, say bongay sangi ray totoo say yakar dad onaan a pangipaway. Nanlapod impaway day ambalangan kartel ya angipakabat na Les Cloches de Corneville, saramay análo ya agámoran day pilalek da, ginapoan da lay nanliliket ed impanalo ra. Diad arum iran opisina inbis a manpalpalteng iray empliado a mamasbasay palapagan odino mantotungtong, say babasaen da samay ipaway a sarsuila odino antikey iran tungtong ed salitay francés, a dakJakel nira ingey mabetbetbet ya onlad kasilyas a konwarin deral so eges da, anta isisilib dan yaamot so pannengneng day talus na saya ono saman a salita, ed melag a diksionarion awit Jad bolsa ra. Sankapatnagan lan anggapoy nasusumpal iran papilis, saray totoon manaalagar papapawilen da rad kaimbuasan, et saraya met balet ag ira makapanpasnok, ta saramay empliado nanmaliw iran amin a maong a mitoo, ya patutuloyen dara tan ipapatnubang dara ya tekep na marakerakep a panangilugay ya inalig ed kagagalaw day totoon taga Francia. Agsi pasal ira may empliado, lilinisan dan singa bilang popokpokay dabok so abayag lan akaatol a pigaran amta ra, odino nangel ya ataltalapos dan pigara ran salita ed francés, a manbabanlangan iray salsalitan oui monesieur, s'il bous plait tan
