pardon!1 ya ontan lay betbet, a nanmaliw laingen a makapalikliket iran nengnengen tan dengelen.
Balet ta say kawalaay gulón baleg dimad panangigalotay palapagan; si Ben Zayb ya aturón mangipatalus tan mangisulat na walan kaabigan ono kakapuyan ton man a sarsuilan ipaway, manggiwgiw kalamor a singa sakey a biin napapalsaan a tomatanem. Singa to la ra sankanengneng so kakabusol ton kukutoan dan amin so lingo to tan ituturing dad lupa toy samsamet a pakaamta toy salitay francés. Agto nalinglingoanan so inkagawa nen walay impaway dian Opera Italiana ya dagdawit ya akapiarnis ed inkalingo tod impangipatalus toy ngaran na sakey ed saray mananganta; tan sakey ed saray manisiblet ed sikato angipalapag a tampol na sakey a sulat a tinawag toy mureng.....sikato, ya anta bukor toy sankatudioan a panagnunot diad Pilipinas! Nanunotan to ni irap ton angipaliwawa tan angiagel ed inkasikaton dili, ya akaukolan toy angipalapag na labinpiton sulsulat tan angikanay labinliman diksionario! Diad sarayan pakanonunot to singara kalamor bibitinay ismay so lima to, ya agla ibagay salí to pian agla aligey pári Camorra ya apanmatalkan ton aminsan ya imbagan saray sali toy pansusulat to.
"Anengneng mo la, Kiko?" kuanen Urang ya Insangiil; "kapalduad saray totoon wadia say inakaran da manlapod im baga ray papárin ag ira onla, tan ginawa ra yan singa pangi panengneng day isumlang da; tan say kapaldua, ta inkuan da anganko: 'isesebel day papári? Mapatnag sirin makapangibangat! Sisia moak, Kiko, agko ibábagan makapoy iratay impepeket mo ran programa tan kartel, balet ta tinalo ray sulat nen pári Salví, anta anggapoy nanbasa!"
"Kaarooó, say pakaisip mooó sirin," kuay tepet nen Kikon napapagaan, "so nisesengeg ed sayan agawaan nen pári Salví. agda ak la nakaukolan ed arapen?"
"Nayari met, Kiko, nayari met," kuay cbat nen sakey ya akaarap ed tawen." ta masiado la nimet a manirap so kuarta....."
Nguronguróy Tio Kiko; no mibibiang iray papárin mangipakábat na ipaway iran sarsuila, sikato manpári la balet. Nanpatanir ed kinen kaaro to insan la inmarawin mansigsigam tan kilitkiliten to ra may mamisos to.
______________
1 Say suston panangibaga, oui monsieur s'il vous plait, pardon, tan say ta. lus to, "On sinyor, panangasi yo pa la" tan "Say baleg a tepel."
