key labat a liwagliwag, sakey ya abeban empliado, odino toon
andi kakabaliksan! No anggapo ray manaakar a nitóro to,
ibales to ra may mararakep tan mapmablin luganan a mantotumbokan ya onlalabas; konwarin mangilugay a makakaimis,
ibayabay toy lima ton tanday pikakaaro, odino ibaga toy:
"Adiós!" a madildili.
"Siopa man?" kuanton may iba tod satan a mankelaw.
"Ah," kuay maralato met ya ebat ton singa anggapoy walawala; "si Gobernador Civil.... si Vice Gobernador....si magistrado ya ontan.....si Sinyora.....kakaarok iran maong!"
Samay iba to mankelaw, dengdengelen ton akatangá, tan pasen a pasen kalamor ed kawigi ta pian nikawanan toy Tadeo ya pangipatnag toy panamagalang to. Atagey lan tuay asabi nen Tadeo, kakaaro to la ray okum tan saray gobernador!!
Tan si Tadec andi tonda ton manbibitlay ngaran da ray totoon onsasabi, ya no agtora kabat mangibaga lay anggan anto lad tan ya apelyido, tan manpabrikay nambabangil iran tungtong nipaakar ed sikara, ya lalaborlaboran to.
"Nanengneng mo man ay so lakin atagey, nanbalbas na andeket ya akitaganayon ya anggad buck ed alupising to, gilabot na daiset tan nankawes na andeket? Sikatotay magistrado A. ya kaaron maong na asawa nen coronel B; sakey ya agew, no ag kora labat abaat, nansepakan la ra komon a dua..... Agi, nengneng mo, nitan lay coronel, say mauges no manponitiyan irá!"
Si kasulsulming ton estudiante agla wari onlilinawa, balet ta si coronel tan si magistrado balibali impanpasamano ra; si coronel masiken lan balolakí, tan tetepeten toy itsuray boleg nen magistrado.....
"Ah! Salamat la Katawan!" kuanen Tadeon akalinawa; maong ingen ta apankaarok iran dua!"
"No kerewen yo kasin palooben da ita yo?....." kuay tepet nen estudianten nasisikig.
"Ay saló! Agko onkekerew na anggan anto!" kuanen Tadeod awey ton aliling na awawey na sakey ya ari; "Siak so mangiiter na tulong ya agkon balot aanapen tan mangaawat na anggan anton bales."
Kinetket nen balon estudiante so bibil to, lalon apamelag toy inkasikato tan pinmaliis ni daiset ya magalgalang ed kinen kabaleyan to.
