dan ipapakabat so liknaan iran naliliing ed pagew dad pakanenengneng day onman la ran kalimgasan, ya anggapoy walad
sikarad mandarlang a matá ran napankalutay urang na kaasawaan da ran may idadáyew tan bibirbirsoan da ran bibii.
Dimad butaka ya talawan da amoy bibiin laen ta akin et pigpigaray wadman, sankaamingaw so meremeré ray mantotungtong, elek iran popukpokan a kalaok day mapalet ya asewek na tabako ....Diman da susupiatey kaabigan da ray pumapaway, saray mauges a nagagawa, no si Gobernador General et akisiblangan ed saray papári, no kasí ta say yakar tod man ya inengneng et pangipatnag to labat na katotongangá tod sikara odino panmiron to met labat. Saray arum met balet agda ra ya pansásakitay ulon nonunoten, ta say tatakpanen da say pakatawag day imano da ran may bibiin walad palko, kanian ontan lay panangapiger day kayuyurong da, mamospos tura ran singa talintao ya ipakpakidiam da ray singsing dan brillante, lalo la no akapuntan akaarap ya ag onalialis ed sikaray largavista da ran may bibii; wala met larad tay mangilulógay a magalgalang ed sayan sinyora ono saman a marikit, a mabinbintan itetewek day ulo ran bansag na pangimemeremeré ra balet ed kaabay dan laki:
"Agí, makapalpalek so itsura to! Makapaingongot!"
Saman met so biin inlúgay ed satan makaimis na masamsamit, itanger toy mababig, legan to met ya imemeremerén mamaypaypay ed kaabay ton amiga to, ya aábubonan to met nia, so:
"Atagey so tekiab to! Amtam, manpatpatey ed ibeg tod siak!"
Manbetbet so kaság tan talakotók na baston: bum-bumbum! tok-tok-tok! Dugduara lan palkoy anggapoy akayurong, komatloy palko nen Gobernador General a mapatpatnag ta ambalangan pelus iray kortina to. Anugtog lamet so orkistay sananey a valse saray totoo ineyagan da ta ampetang lay uló rad onman lan abála. Kapalpalaran ta walay sakey a toon akatalibagad sikara ya akapangilaban ed empresario.' Sakey yan lakí ya inmirong ed butakan walay akankien, tan agto ipalabid saya nen sinmabí ya anta si pilósopon Don Primitivo. nimet. Nen agto nia napaekal tinawag toy manangitulor ed
______________
1 Manangipaway na sarsuila.
