yurongan..... "Agko labay so onalis!".....kuanen too ya
amagamagán manigsigarilyo. Si manangitúlor ed yurongan
nila toy direktor..... "Agko labay so onalagey," kuanton siansia may too ya intikangkang tod man ed butaka. Pinmaway si
direktor tan saramay sosondalo ginapoan dan inkankantan maksil so:
"Diaak ed ag onalis! Diaak ed on! Diaak ed ag onalis! Diaak ed on!"
Samay too nen anengneng ton atawag lay imano ray amin a wadman, inisip ton no ontulok et napaabeba lan maong, kanian impeket toy sanduan lima tod man ed butaka legan to ran cebatay duaran guardian tinawag nen direktor, na singa inebat tod saya. Saramay duaran guardia ta kabat dan walay inkatoo ton may kaarap da, linma ran manawag na kábo; amin la warin too mantipak lad saya ya titipakan day sekder tan talatalar ton may toon anggapoy makapaalagey ed sikato ya akayurong dimad butakan singa sakey a senador ed Roma.
Kasalilikna manbabanlangay pasiot samay toon agda napackal ed yurongan to linmingaw a mapalaloy petang na uló to ta inisip to lan sikatoy papasiotan da; dengdenglen so mapalakapak iran salí kabayo, insan aguló ray totoo; alabas nen binmetag so rebulusion, odino, kamelmelagan lay sakey ya alsada ray totoo ya sungpad saray mamakauley da; andi met manaya; tinmonday orkistan manotugtog na valse tan inbales toy marcha real;1 sinmabi lay Sankatageyan a Kapitan General a Gobernador na amin a Kapulopuloay Pilipinas. Tomangulaw ya amiy toon onnengneng ed sikato, agda alisay matá, abalangan dan aganó nen asaniban ta onsesegep, insan da lamet anengneng nen akasabíd palko to, tan kayári ton imparlas iray matá to ed amin a pasen tan pinaliket so pigaran totoo ed lugay ton makapanyari, inyurong ton singa dinan man a too ed yurongan a nanmano ya imparáan ed sikato. Amemet ira may sondalo, tan tampol a insublay na orkista so tugtog a pangigapoy sarsuila.
Say palko da ran may kabkabat tiran estudiante kapetpetekay palkon kawalaan nen Pepay a bailarina. Sayan palko regalo nen Makaraig ed sikato ta wala lay talúsan dan dua ya si Pepay et paábigen toy uló nen Don Custodio ya pakilingen ton ong-
_______________
1 Tugtog a panamasa bid Ari.
