gampi ed saray estudiante. Nansulatan nen Pepay ed saman
a dílin ngarem yan balitadon ponente, tan imbaga ton manbana rad man ed sarsuila, ya diman to kabatey ebat to. Lapod
saya, si Don Custodio ya anta ontan lay insungpa tod pangipaway nimay sarsuilan salitay francés, linma met a ninmengneng ya akasengeg na nanpapasikian ed sikato nen Don Miguel,
si katagam tod singbatan ira ed Ayuntamiento.
"Linmaak dian mannengneng no antoy kaabigan ono kaugsan to nian sarsuila!" kuay ebát to ed tonoy bosis na sakey bilang a Catón' ya amta ton malinew so konsiensia to.
Si Makaraig mililimgisan ed kinen Pepay, a say ibabága ray matá to nia so walay labay ton salitaen ed sikato; tan manlapod magaygayagay lupa nen bailarina, inisip da la ran may estudiante ya analo lara. Pati si Sandoval a kapawipawil ton linman angilúgay tan akitungtong ed saray kabkabat tod arum iran palko, impasiguro ton maong so asumpalay kerew da ya inaral tan inaprobaan lay comision superoir ed saman a ngarem. Malikeliket iran amin; pati si dílin Pekson alingoanan to lara may ambilunget iran kanunotan to nen anengneng toy Pepay a manimimis a mangipapaayag na melag a sulat; si Sandoval tan si Makaraig nanpasamano la ran dua ed liket da. Bukbukor nen Isagani ag oneseesel a ngalngalin ag onimis. Anto kasi agawa to?
Kaloob nen Isaganid teatro anengneng tod sakey a palkoy Paulita tan si Juanito ya mantotungtong. Pinmesiaw so lupa to tan inisip to warin alingo. Et andi, ta si Paulitan dildíli, ya imbano ton inímisay masamsamit a singa mansasalita ra may marakerakep iran matá ton papaitepel tan isisipan day mangiter na paliwawa. Say agáwa, nanpaknaan dan ononay Isaganin onnengneng ta pangamta to no say ipapaway da et anggapoy kaugsan ton nengnengey sakey a malanguer nin marikit, insan natan asabi to lad man ya iba to nimet si Juanito ya katagám to. Ag nabaliksan so dinmalán ed kamarerua nen Isagani: sanok, ímon, inkapaabeba, irap na linawa, barong, nankakames ed pagew to; linma nid nunot ton labay to lan nageba may teatro ya natabonan iran amin; sinmabid gusto toy yelek ton ipanpandak, pabaingan toy inaro to, sangalen to may katagám to, ono manggaway guló, balet ta anggapo may gina-
____________________
1 Too yan taga Roma nen inmona ran panaon a nibantog ed kaptekay panagnunot to.
