say kuanko balet, antoy amtay sakey a managlakoy alajas anggan anto ni yaman tan kakabatan to, ed panaggaway barko
ey?"1
Amin iraya, ibábaga nen Don Custodio cd kinen kaabay ton Ben Zayb ed bosis ton malongog, ya mangakaksion, sinsintaken toy abala to, tan lingawlingawen to ramay arum a singa bilang ipapanon tod sikaray ibábaga to, ya saraya igalawgalaw da met so uló ra, ya nayarin aabubonan da, nayari met ya andi. Si pári Irene manimimis na nayarin italus ed nambabangil, a midio sasaniban toy imis toy lima to ed pangaapaplos toy cleng to.
"Say kuanko lantid sikayo, Ben Zayb," kuanen Don Cus todion intuloy a tinenieg to may sumusulat cd taklay; "say pansesengegay amin a kaugsan say ag pangipapánon ed saray totoon abayag la ra dia. Say sakey a kanunotan a marakerakep so inkasalita to, tan lalo la nimet et dakdakel so ingganan igastos, igastos a tibtibukel iran kantidad, makapulag tan walan tampol so mangako nisesengeg....ed saya!" .ed saya!" Tan si Don Custodio impantekep toy sampot na tangay lima ton impanbalbales ed sampot met na tamuró tan pangando to.²
"Nayarin tua met, nayari," kuanen Ben Zayb ya inisip ton kanepegan toy onebat ta manlapod sumusulat ed palapagan nakaukolan ya amta ton amin so nagagawa.
"Nengneng yo, kasakbayan ni kimey ed Puerto, angiparungtal ak na sakey a kanunotan ya imparaan kon díli, yanoyano, makana, aliwan magastos tan mainomay a gaween a panebag tan pangekal na patalan ed libsong, tan ag naako ta anto ey, anggapoy nakatli ran dakel ya onia ay!"
Tan inoman to lamet imay ginawa tod gamet to, sinintak
_________________________
1 Nisesengeg ed ag piabetan na España ed Alemania nipaakar ed makankiey Carolinas (polok na kapoloan ed Oceania ya tatawagen met na Balon Pilipinas, tan ouleyay España ya wala angankoy 50,000 too to ed panaon ya impangisulat na El Filibusterismo) agawa ed Ibále so impankerew ed saray totoo na pinasaut ya usos a walay inggeter na karakel na bayaran ya kakoliktaan yay lasus libay pisus, tan intalagan panggawa na sakey a barkon pibabakal. Say angikurang nian nigosio si pári Paya, dominiko tan arzobispo ed Manila; tan diad pilalek to lagin makapilak pinaabig to ya say panggawaay barko diad arsenal ed Hongkong ya kuanda ta aksionista rad may papárin dominiko diad Pilipinas. Nen asumpal, ag inawat na Uley ta aliwaliway inkagawa to, tan say asumpalan to adarak so lasus lasus liboy pisos. Nayarin anggapoy amta nen Simoun a nipaakar ed panaggaway barkon pibabakal, balet ta anto met so amta nen pári Payo ey! Anggapo balet ta nen Lley na kastila saray papári pibibiangan dan amin!
2 Sayan insinyas to, say labay ton ibaga nisesengeg ed kuarta,
