"Kabkaabigan to, kayari da itayon pekpeken, manganta itayon misalamat! Super flumina Babylonis sedimus!"
"On, sakcy a banquete ya singa panamesel ed saray perison pateyen!" kuanen Tadeo.
"Sakey a banquete ya baliwan itayon amin ya ondagop tan mandiskurso itayon singa gawa no walay pagalangan ya inatey," impanó nen Sandoval.
"Sakey a serenata ya panugtogay Marsellesa tan tugtog iran panangulop na inatey," kuan met nen Isagani.
"Andi, sinyores," kuanen Pekson ya inyan to may elek ton singa manusutil, “diad pangipatnag tayoy liket tayod sayan inkagawa anggapo lay mas maong nen say pangan tayod pansiteria ya sirbian itayoy intsik iran lakseb, a tuatúan lakseb!"
Sayan kaisipan, manlapod makapalpalek tan nantarok na ansakisakit a pasiki, inabubonan dan amin. Say inmonaonan angipatnag na impakapakna to si Sandoval, ta say katuaan andukey lan agew a pantintindekan toy makaloob ed sarayan pananganan ya diad lábi et malikeliket tan masaysayaksak so nengneng da.
Tan kapangigapoy orkistay tugtog ta onsublay lay komaduan akto, inmalagey iramay tubonbalon nanbabansag a tinmaynan, ed baleg a kelaw tan kutengteng na amin a tood teatro.
____________________
1 Salitay latin a say talus to "Manyoryurong itayod ilog na Babilonia." Nen inmonan panaon, diad nanariay Babilonia, no labay da ran pateyey nanaerel dad baka!, ta piano mainomay la, yakar daran ipalner a maminpisan ed ilog na Babilonia. Say labay to nian ibaga sirin so nakalan laran aminninsay ilalo va singa saramay totoon papateyen ya ivapalner ed ilog na Babilonia.
2 Himno Nacional (National Anthem) na Francia.
