matawir to. Makaimis na ampaipait si Basilio ed pannodnunot
ton diad sayan bilay et mas so naalan tomang ed pamagustod
maugés a gawa nen say panumpal na nabebetangan. Aminpigá
lan sinmebang ed uló ton paulian to lan onleley sakit nen Kpn.
Tiago ya magmaong nin iter to lan ami gusto to tan paulian
to lan ompatey a malikeliket, nen say inanatnat toy bilay ton
isesebel toy alenleneg a makatatambayod sikato.
"Ambagel ak amo!" inkuanton aliwa lan aminpinsan ed inkasikaton díli, "mureng man iray totoo et no sikaray man- babayar....."
Ompeyeng ed satan a sankanunot toy Julí tan say andu- kerukey nin arapen a panaon a bataken da, tan say pilalek ton manbilay ya ag nataldengay konsiensia to. Ituloy tod satay panatambal to ya agton balot papaulian.
Ontan man, si agmakayari, likod labat so magangganó ran singa iligsa to, mankapoy ya inagewagew. Si Basilio gagaga- laen ton babawasbawasan a tonggal daraiset so iiter ton ápian, tan no agya nayari, gagaween toy anggaay nayarian to ta pian agto labasay pasal to lan gendat a susungapen, balet ta no om- pawil a manlapod hospital odino onsabin walay dinalaw ton agmakayari, nasabian toy Kpn. Tiago ya malmalet so ugip ton abuek ed ápian, managos so ilol to tan amespesiaw so lupa ton singa bangkay. Ag natalusan nen Basilio no iner kasi panga- alaan toy ápian, ta anggapoy arum a makasesegep dimad abong no ag bukor labat nen Simoun tan si pári Irene, ya samay in- mona mataltalag, tan sayay unor, lawas ton ibibilin ed sikato ya sekderan ton ag mangongpang ed totuntonen a panátambal, tan agto asikasoey panagpasnok nen agmakayari ta say tatakpanen say yábig to.
"Sumpal yoy nabebetangan yo," kuanton lanang, "sumpal yoy nabebetangan yo."
Ya mabetbet ton sirmonan nipaakar ed saya, ya napatpat-
nagay elet na pananisia tod ibabaga ton díli tan liket na linawa
ton mangibabaga, ya sinmabi lay lemew na dalá nen Basiliod
sikato. Aliwan saya labat, si pári Irene insipan to nin tulo-
ngan ton yanapay maong a kipapasen to, sakey a lúyag a ma-
bolaslás, ya impasingayew to ni ingen ya nayarin panombraan
ton catedráático1. Si Basilio anggaman agto pipilpilay linawa to,
________________
1 Propisor.
