a maliket, ya arcen tan pablien ed loob na abong tan galangey
mundo, et ontan man, saraman a duan katao ya alimbos iray
aro, marakep iran pikugip tan ilalo, nisesengeg ed mauges a
kapalaran, si laki liwagliwag ed mundo ya andi ebas ya ikakanas na aliwekwek na dalá tan lua, ya mangipapalakay na
kaugsan inbis ya manggaway kaabigan, dedepdepan toy kasimpitan tan pabobonaen toy kaugsan, tan si bii balet nankalkalnan
narep so bilay tod kabilungetay dalem na ayaman day mamadre, ya angisimpenan toy laman to ya ilalo ton pakalmoay
kareenan tan akasagmakan to pa lági kairapan, pasen a nilooban ton maadian andi taldeng tan inateyan ton aliling toy
nalnes a rosas!.....
Manpainawa kad malet mon ugip masegsegang ya anak na báley kon andi palar! Itabon mod lubok iray karakpay kalangueran mo, ya nalnes ed kagkaaliguasan to. No say sakey a bansa et agto naitdan iray andi tilol ya ának ton mamarikit na maligen a panayaman dad silong na panangakloloy masurin kawayangan; no say laki et anganggad nitilak tod baló so kababaingan, pait na lua ed ina, tan kipapasey aripen ed saray ának, sankaabigan lay anunotan yo ya agla miasawa tan manbilay ed kaadiaan, ya apusan yo lad loob yoy ontoo ra komon ya onsalat ed sikayon manbilay lamet ed segsegang. Mapalar ka ta agkala onggiwgiw ed lubok mo ed pakangel mod aglem da ray manpapanabos ed kabilungetan, saray pilalek day ontekiab komon et nigulonggulong ira, saray nanaapusan ed kaandian day kawayangan! Lákala, lákala, ya tarok mo ray pikugip na omaanlong, ed pasen iran andi anggaan, sikan aninoy bii ya napasikmatan ed sinag na bulan, tan yeesaes day makulaney iran bulong day kakawayanan....Mapalar so bin ompatey a nangnangisan, a nitílak tod pusoy mangaarod sikato so sakey a masimpit a talintao, sakey a masantos a pannodnunotan ya ag atisnaay marumsis iran layap na liknaan a manlour ed kurang na panaon! Taynan ka la ta agmi ka man lingoanan! Diad madalisay a dagem na dálin tin nianakan, diad silong na tawen ton inanágan, diad tapew day daldaluyon na libsong ya aliktob na palandey iran mankidiam ya aliling na mablin baton safiro, tan baybay iran apanatay mabonabonan dika tan kakiyewan; diad saray malinlinew iran kulos ya na-
