saman labat so inkaapa ray ilálo ed impangikanay makmakbaw
iran salita ya anggapoy tarok dan gawa. Saray akaona ni nen
si Don Custodio ya nanggaway onia, akamayamay lara, agla
ra nabilang ed karakel!
Dimad pegley na salas ed petek na ambalangá ran parol so anginay apatiran lamisaan a malimpck a diad impantetekep da say pinmaway ya itsura ra kuadrado; saray inliber a yurongan bangko ran ankelag a malimpek met. Kapag pegley na sinansakey a lamisaan, ya unong na naugaliyan ed saman pansiteria, walay inyan ya apatiran platiton dikolor ya anginay apatiran hopia kapag sakcy, tan apatiran tasay tsa tan sakob dan platito ya ambalangan kalap ya amin; tan kapag petek na sakey a yurongan walay sakey a botilya tan duaran kopan salming a mankirlap.
Si Sandoval ta sipor a mausisa, iimanoen ton amin, tatawayan to ramay hopia, kokoninengen to ra may kuadro, babasaen to may angikuritay kakanen tan bili sinansakey nengneng. Saramay arum mantotungtong iran nipaakar ed nagagawad saraman ya agew, saramay bibiin ompapaway ed samay operetan frances, say ag natalusan a sakit nen Simoun, ya unong na kuanday arum et arumog dad lansangan a sugatan, tan wala met iray mangibábagan manbibitkel. Mapilit lan sakey tan sakey ed sikara et nambabangil lad tay inap tan parlés to. Unong na pananungtong nen Tadeo, ya kuanton say akangelan to et napiya tan napanisiaan, si Simoun sinaneb a kinábil na sakey a toon agto kabkabat dimad plasay Vivac;1 anggapo lay arum ya akasengeg noagta tinalagá ray mangigagaem a makabales ed sikato, tan say pakapatnagan a tua ya ta si dílin Simoun anggapon balot so ibaga to. Naarap na tungtongan day maamot iran mauges a kababales, insan to asabí gawagawa ray papári, ya sakey tan sakcy ed sikara tinungtong to ray kabaglan day kúra ed kabalbaleyan da.
Dimad bandad tagey na dingding walayan nabasan antikey ya anlong ya intatak ed batek iran ankakabaleg ya andeket:
- Say pangulod sayan pakanan
- Ipasakbay tod karaklan
__________________
1 Say inmonan ngaran to Plaza San Gabriel, tan impasen day papárin dominiko ya intalagad saray intsik a manaayam ed saman a pasen ta say pilalek dan mamakristiano ed saraya; diad panaskar na panaon nanmaliw a sintroy komirsia tan asalatay ngaran to na Vivac. Say ngaran to natan Plaza Cervantes.
