pasen a kabat na karaklan ed ngaran ton Archipiélago Pilipino!
Ag ombobutay so agew ya anggapo labat so narerengel a panamauges odino bengat lan lurey ya sungpad saray gagalangen,
gagalangen tan managpulong iran togiop day papári ya agda
kalamor niágel so inkasikaran dili, tan anggapoy napiregan da.
Abuloyan yoak pa, agágik, a diad sayan bektá et mialig ak ed
saramay atagey ya inkatoo nen inmona ran panaon a liberliber
a manangiansakit tan manangilaban ed saray napapaunong, ta
pian nilaban ko ray anggapoy manangiágel da, saray masantos
a togiop day papári ya nanlukas irad matá tayo, ta pian napatúa
lamet imay kaisipan a mangisumpal ed kabat laran sipor a
balikás a say eges a naksel idayew toy Dios, a sa lanti say eges
a kababkabab idayew toray papári.
- "Sátan, sátan! Labay mi tan!”
- "Maya ka pa!" kuay Isaganin mabinbinta, "ipasakbay kod
sika ta no nipapaakar ed saray papári, walay sakey a gagalangen ko."
- Si Sandoval ta akainom la ginapoan toy angantay:
- Sakey a pári, duaran pári ed koro, ono talora
- Kabaliksan dalan lamang so saksakey a baka!
"Talineng yoak, agágik ira; ilingay yo ray matá yod saray magayaga ran agew na impanugaw yo; imano yoy panaon a gagatinan, tan usisa yoy arapen. Antoy nanengneng yo? Papári, papári, papári! Bininiagan kayoy sakey a pári, kinonpirmaan to kayo, dinaldalaw ton napnoy maaron seseg so panaaralan yon eskuilaan; diad sakey a pári so angipiyaan yo ray inmonaonan maamoamot iran kanunotan tan liknaan yo, sakey a pári met so inmonan angisubod sikayoy dilin lamay Dios tan angigapon angitunton ed sikayo ed bilay; papári ray inmona tan kaunoran iran maestro yo, pári met so nanlukas ed kapusoan daray kaarowan yo, ya angiparaan ed sikaran mangakloloy panangaro tan panngeswá yo, pári so mangasal ed sikayo, sikato met so mangibakid sikayon manbaroy ed arum iran kapoloan pian makapansalat kayoy susungapen a dagem tan makapantaligaygay kayo; sikatoy walad abay yon mangantabay tan mamasipot ed sikayo no manpapanabos kila, tan anggano onsegep kayod bitayan, wadman a siansiay párin manulong ed sikayoy dasal to tan lua tora. tan anggapoy kapagaan yon paulian to kayon taynan, anggad ag samay anggapo lay duaruan inatey kilan inbitay. Et bang say panangasi to ag ditan mangangga;
