no inatey kila, gaween toy anggaay nayarian to ed pangiter tod
sikayoy baleg a punpon, ag ontonda anggad nipasout toy kitubong na bangkay yod simbaan, pian nagamoran yoy amin a
tulong a niiter to, tan ag napera anggad agto kayo niawat ed
limay Amalsá ya apalimgas kila diad tapew na dálin ed impangako yo ray dusadusá, panagpairap na lamán tan saray inpanmurmura. Tan manlapod sikakabat irad bangat nen Cristo
ya saray mayaman et ag ira makatubong ed nanariay tawen,
sikara ya aliling day bálo ran mananundon tan petepeteg a manangibuyak na bangat na Manangilaban tayo, andi tonda ran
mannonunot na amin a kasiliban ed pamalemew daray sasakbaten yo ran kasalanan yo, ya ingangaray cuapi,1 ya yakar darad
arawi, arawrawi, diman irad pasen a panaayaman daray kakailiay diablo ya intsik tan saray protestante, ya ontan lay impakapalin dad ililinawa tayo dian dagem ya apanmaliw dalan
malinlinew, tan malinlinis, ya anggano anto ni pilit tayo et ag
itila makarumog na anggan tintinggal a kapelagan tayod inpiernos!"
"No ontan sirin a say kiwala ra et kapilitan cd panliket tayo, no iner may pangiarapan tayoy cleng tayo et wadmay anlemlemek tan maimuimos a liman narasay angob, ya inagewagew to labat a padedelpakey anta abangbangking la lantin butil ed lupa tayó, akin sirin et ag tira alokaloken tan patabaen ey, tan akin et takpanen tayoy anta makapauges ed sikatayon kaalis da dia ey? Nunot yo pa labat ya anggan maganggano so balbaleg a kongaw a nagawad polok tayo ed kaandi ra dia! Managkimey ya agda amtay nakesawan, andi tonda ran mamapaabig tan mamaparakel na poli ray totoo. Anggaman onia lay ag tayo pakapanaabet nisengeg ed irangan tan pansisibletan, saray papári singara itayo totogiopen ed saksakey a kapalaran ya ontan lay elet na panitipkel dad sikatayon dakel laray ngalngalin ag makaiwas! Ekal yoy pári, sinyores, manmaliw a manyugás so abong a pilipino ta anggapo lad satay makapakapal tan mabisbiskeg iran takeb tan mabagobagó ran salin sekder tan seklang to, say bilay diad Pilipinas manmaliw ya apasakey no naandi masaysayaksak a parin tuso tan mapinepineng, no anggapo laray ankelag tan maimpis iran liblibro tan sirmon iran pankeykeyan iran panelelekan, no anggapo laray makapalpalek a totoon mapilit ya ompatnag a makabat anta makulang iray
__________________
1Kuartay intsik ed saraman a panson.
