utek, tan no anggapo laray mamapasimbalo tan mamapabilay ya
agewagew na saray tungtong ya insusulat di Boccacio tan si
Lafontaine!1 No napaandi ray balbalkes a lubir tan saray karkarmen, antoy labay yon gaween day bibiin pilipina ed pilak
ya isasaliw daran tan ey, no ag tiponen da tan gapó lay panmaliw da lágin maagap tan maigot? No anggapo ray misa, saray nobinas tan saray libot, iner lay pakalmoan yoy karakel na
pangginggiyan a nakaukolan a panpalabasan day oras na bibii
dia ey? Anganggad gawa rad satan sara labat so kimey ed
abong tan no anggapó laray nabasa ran balibali ran makatalibagad sikaran milagro, nakaukolan a yanapan ti ra lamet na
basaen daran libro ya anta anggapo nimet so naalmo dia. Ekal
yoy pári, naandipat a pati bayani, saray maábig a gawad polítika napaktak irad lima ray mureng a karaklan; ekal yo, say
pilipino naandi; ta say pári sikatoy Amá tan say indio so Anak;
say pári so managlabrá tan say indio so talintao, ta amin ya
inkasikatayó, amin iray kanunotan tayó, tan amin a gagaween
tayó, utang tayon línawa ed pári, diad ános to, diad saray kimey
to, diad talon lasus taon lan seseg to ya mangouman na kanengnengan tayon inter na Amalsá. Sakey ni, no diad Pilipinas et anggapoy pári tan indio, anto kalamor so kasumpalay
masegsegang ya Uley no anganggad intsik iray natilak ya iba
to ey?"
"Mangay tortan alamá!" kuanen Isagani ta nanaalipanesan lad diskurso nen Pekson.
"Tan sikato tan met so kanepegan tayon gaween! Sialá tay diskurso!"
Manlapod agni akabutay imay intsik a mangiloob na torta, inmalagey so sakey ed saramay estudiante ya linmad man ed bandad loob, dimad balkon ya petek na ilog; pinmoliktar balet a tampol a walay isisinyas tod saray ibiba ton agto labay ya ipalikas ed arum a too.
- "Sisiimen da itayó; anengneng ko may too nen pári Sibyla!"
- "Tua?" kuanen Isaganin bansag na inalagey to.
- "Paulian mo la; imanla kanengneng tod siak."
Tan inmasingger ed dorongawan ya amaarap dimad plasa, insan to ra sinisinyasan iramay ibiba to pian onsingger ira. Apábotan da nin pinmaway dimad pintoy pansiteria so sakey
____________________
1 Si Boccacio balitadon italiano ya managsulat na uliran ono tungtong, tan ontan met nen Lafontaine, balet ta saya francés.
