This page has been proofread.
288
"Panon, pati siak?"
Impandak nen Makaraig.
"Agkayo labat mapága, kaaro; manlugánan itayo, tan tungtongen kod sikayoy pandem kalabian."
Tan diad balibálin andawes to ya singa walad loob na abong to bilang, binagaan toy Basilio tan si kábo ya onsapat ed samay luganan a manaalagar dimad petek na pintó.
"Diad Gobierno Civil!" kuantod kotsiro.
Si Basilio ta linmabas lay inkakebiew to ibábaga tod Makaraig so pegdat to. Pinasamano nen estudianten mayaman ya agtola pinasumpal.
"Ilaloan yo, ilaloan yo, tan diad punsia ed panggradua tayo, bagaan tayo rayan sinyores ay," kuanton inturóy kábo tan si alguacil.
