a singa kuanda ed arnis. Diad inkabiglaan nen Isagani, naalig
toy sakey a manaaral na arnis bilang a biglan pinaer to may
duyok:
"Say panumpal yoy nabebetangan yo!" kuanton bengatbengat impasaspak.
Nanpetek a biglay pári Fernandez, say impakangel tod ebat nen Isagani singa alalbong a kanyon.
"Say panumpal mid nabebetangan mi!" kuanton inoman a makmaktek; "agmi sirin susumpaley nabebetangan mi? Anto ray ipapabetang yod sikami a?"
"Sara lan lamang so pinalapo yo rad linawa yon dili ya inako nen onloob kayon manpári, tan saray nilabay yo niran impapanó nen pári kayo la. Balet ta diad kipapasen kon estudianten pilipino, isisipen kon aliwan siak so manepeg a mangusisa na kagagawa yoran papári, nipaakar ed saray ganggan iran totuntonen yod togiop yo, nipaakar met ed Pananisia, say Uley, saray pilipino, tan say talbay katoowan; pamaakaran iratan a sikayo ran dili akankanepegan a manguksoy ya kaiba yoray angiletneg ed saray togiop yo, say Papa, say Uley, say amin a katoowan, ono say Dios. Diad kipapasen kon estudianten pili. pino anggapo lay kalámiten kon arum no ag bukor labat na saray nabebetangan yon susumpalen a nipaakar cd sikami. Saray papárin ampotin kalapagan, diad kipapasen dan manangasikasoy panagbangat ed kaluylúyagan, tan lalo ray dominiko ed nibiibiig a kipapasen da ed impanigpot dad lima ray amin ya aarálen day lapag a tubonbalon pilipino, inako ran nabebetangan a susungpalen ed arap na walon laksan manaayam ed sarayan kapoloan, diad arap na dílin España, tan arap na talbay katoowan, a wadtan itayon nibilang, so mandeuden a pamaabig na malanguer a simit tan sibual, ed liknaan, kanunotan may laman, ta pian nipaarap cd pakarapat toy liket, say pamalesá na sakey a bansán matonung tan magalang, maaliguas, matudió, masimpit, masuri tan matour. Tan natan siak pa met so ontepet, sinumpal day papárin ampotí yan inako ran nabebetangan a susumpalen?"
"Manusumpal kami...."
"Ah! Padre Fernandez," kuanen Isaganin sinmalabat; "diad inkasikayon dili ya akatapew so lima yod puso yo nayarian yon ibaga ya manusumpal kayo, balet ta no itapew yoy lima yod puso na togiop yo, ono diad kapusoan day amin iray
