togiop day papári, agyo tan nibága, ya agyo lulokoey laman yon
díli! Ah! Padre Fernandez, no wala ak cd arap na sakey a
toon papablien ko tan gagalangen ko, lablábayen ko lan siak so
napankasalanan nen say siak ko mangipakasalanan, lablabayen ko
nin siak so ompasen a mangiagel ed inkasiak nen say siak so
makapasakit. Balet ta manlapod nigapo tayo rayan paliwawa,
sumpalen tayo sirin! Panoy panusumpal day nabebetangan day
manaasikasoy panagbangat ed binaleybáley? Sesebelan da! Tan
saray manisigpot diad Ibale na amin ya aarálen, saray malabay
a kuan ya mangitunton na kaisipan day tubonbálo, ya anggapoy pibiangen dan siopa man, panoy panusumpal day sayan
binetang dan dili ya gawa ey? Pepegetan day anggaay nayarian da so pakaaral, sesebseban day marlang a pilalek tan layap
na linawa, papaabebaen day kagalangan, ya alenleneg kalamor
a sekder tan biskeg na kamarerua, tan ipapaseksek dad sikami
so panagnunot iran na karáanan la, apasó laran kakabátan, totuntonen iran tilatila ya agla ran balot ontukoy ed kurang tan
aligúas na bilay. Ah! no nipapaakar ed panamakan ed saray
inpangaw, panangalay abasto ya pantaganó ed saray maugés a
totoo, say Uley manggaway subasta pian napilí toy postor a
makapangiter na sankaabigan a kanen, samay toon agtora
paulian so impangaw ya ompatey ed eras; no nipaakar balet ed
pamesel, pamaabig, tan pamabolaslás na kaisipan tan ugáli entiron bansá, pantaganó, pangalila tan pamabolaslás ed kalangue-
ran, ya anta sikarayay sankaksilan ed saray ombáley, ya sikaray
onsublay naanin sekder na bansá, say Uley aliwa labat lan agto
impadalan ed subasta, no agta inter to tan pagnanayonen toy
amin a pakauley ed saraman nimet so togiop na totoon mangipapangta ya agda labay so pakalaem ed aral tan agda labay so
antoman a bolaslás. Anto bilang kasi ibaga tayo no say manpapakan ed pangawan et, kayari ton agamoray kontrato ya
impadalan tod silib tan panamalikdó, et paulian toray perison
manebeng tan manposisaw ed kakulangan da lay dalá, ta say
ipapakan to et inmakseng la tan abanglés, insan naani manbaraan ya ibaga ton gagawaen to ya ta ag manepeg ya onabig so
laman day nipangaw ta say abig na laman et makapangiter na
magayaga ran kanunotan, ta say liket et paabigen toy ugali too
tan agmanepeg ya onabig so ugali too ta kaabigan nen managpakan so idakel day mauges a totoo? Tan anto met kasi nikúan
tayo no si Uley tan si managpakan et mantekep iran mannu-
