paabig ya ugáli ed bansan kastila anta nibabantog met ya ang.
gapo lay manacg ed sikato ed galang, súri, tagey na inkatoo tan
panangasi? Manlapod saray mangipapaakseb dimay ganggan
et, anggaman sankaabigay gagála ra, nanduaruaan day kagalangan to, pinasákitan day panamabli tod inkasikaton díli, agda
intaltalek so katageyay inkatoo to! Labay yoy manggawad
España na basbas na dalan ed utel day ankakabaleg a kabatoan?
Mangipeket kayo labat na kartel a mangiganggan a sebel so
ondalan diman, tan nengneng yo no ag amin a too et onsungpa.
taynan day mablak a dalan tan kalabkalaben daray kabatoan.
Diad agew ya walay sakey a manangipaakseb na ganggan ed
España ya isebel toy kaadiaan tan ipasout toy mauges iran kagagawa, turingan yoak no ag kaimbuasan et masimpit tan maadian
ami too!"
Tinmondan aganoy dominiko insan to lamet intuloy:
"Ibaga yo la balet lági ya akaarawiak lad sasalitaen tayo, kanian pawilen ko.... Anganggaay nibágak a pamasisiak ed sikayo, so saray kaugsan yon estudiante agyo ra nepeg ya ipakasalanan ed sikami ni diad Uley; say panlalapuan da say masálan togiop min kakastila, qui multum probai, nihil probat¹ ya anggapo la ingey nagawaan to ed masulok a pasakbay, kakulangay nakaukolan, tan sulok ed andi lay kakanaan."
"No sikayon díli et akoen yo ray kakulangay togiop yo," kuay ebat nen Isagani, "akin sirin et mibibiang kayon mangapiger na togiop day arum ey, inbis ya asikasoen yoy inkasikayon díli?"
"Manarawi itilan maong ed sasalitaen tayo, Isagani; saray sankanengneng a nagagawa nepeg iran akoen...."
"Ditad labay yo! Akoen ko ta manlapod agawa lantí. balet ta tepeten ko nin siansia: no say togiop yo et dakel so kakulangan to, akin sirin et agyo salatan, odino anggan dengelen yo labat so eyey day napapaunong?"
"Akaarawi itayo nin siansia: samay sasalitaen tayo say labay day estudiante ed saray papári....."
"Manlapod bekta ya saray papári et onsasanib irad Uley, kanepegan sirin a sáya so piarapan day estudiante."
Malinlinew tan walad katonungan so ebat nen Isagani, tan anggapoy nalabotan nen pári Fernandez.
__________________
1 Say maagap ya akamayamay so papapawayen to, anggapoy napapaway to.
