tan dineral to met so eges na akamayamay, no agta apágaan a
pati saray ambetel ya impangulon intsik, ya anggapoy tinmalek
ed sikaran onyurong ed tindaan da a singa naugaliyan dan akasapat so sakey a salí, ta ompano agda nasambot ya ileksab no nakaukolan day ombatik. A las once kabuasan, anggaman say
agew et ag tinmonda ed kurang to, tan si Sankatageyan a Kapitan General et agmet anengneng a pinmaway ya angipangulo
ray ag nabilang a mananalon sondalo to, say pága tan takut
pinmalálo: saray papári ya naugaliyan day mandodoipo ed basar
nen intsik Quiroga, ag ira binmutay, tan sayan inkagawa singa
mangipapaniring na makapataktakut iran gelew. No binmutay
komoy agew a kuadrado, tan saray talintaoy Kriston Katawan et
abangonan iran akapantalon, aliwa lan unong so pága nen
Quiroga: impasen to la komoy agew ya lamisaan a sugálay
liampó tan saray masagradon talintao singa ra bilang tajor na
chupdiqui1 ya nipatalo ran pati aysing da. Balet ta natan labat agawan ag irad man linmay papári anta wala ra nimet so bálon
sinmabin tagilako to!
Nanlapod impangibilin na sakey a kaaro ton párin provin cial, insebel la nen Quirogay itubong na siopa man a indion agto kabkabat a sipor ed saray abong a panagpasugalan toy liampó tan chapdiqui; sayan árapen a konsul day intsik, mapag- pága ya saraman a masegsegang et samsamen day pilak a natatálod sikara. Kayari ton imparaay basar to ya nayarin nikapot a tampol no walay guló, impaibaan ed sakey a guardian veterano ya anggad abong nen Simoun anta asingsingger. Diad pakaisip nen Quiroga sankaabigan la man a panaon a pangikana ran may dakdakel a paltog tan bala ya akaatol dimad bodega to, unong na imbaga nen Simoun ed sikato nen saman. Singa la sankanengneng a magano lay panuna rad kaabongan, tan no nasabí tan, dakdakel so nipangaw tan dakdakel met iray mapalaloy takut a totoon iter dan ami tipon da! Sikato la yay sipor a gawá ray carabinero2 nen saman, isilib dan isukib ed silong na abong iray tabako tan bulong na tabako ran dodoblaen, konwarin manuna ra, insan dad satan pasouten si masegsegang ya akanabong a mangiter na suksok odino manbayar na multa! Salambengat ta natan napipino lay panaggawá, tan, manlapod aliwa lan sebel so tabako, imbales iray isesebel ya armas!
______________
1 Say liampó tan chapdiqui sugal iray intsik.
2 Sondalo.
