met nen pári Irene, inyan toy batik, tan manlapod akapeket ed
taklay to may bangkay, aguyor to, naplag ed katri, nisagar ton
anggad pegley na silir ya diman to la tinaynan.
Saman a lábi asilok laray totoo. Pigaran agawgaway akasengeg a saramay payakot et manisia la ran tuatúa ya walaray maamot a mansusugsog.
Nisesengeg ed sakey a binyag, nansibuag na kuarta may anganak ed saray wadman ya ugugaw tan mapilit lan taligagboan da ra nian nansasamsaman a nansisinkatan dimad pintoy simbaan. Nibanbana met ya akalabas dimay sakey a mabayanin militar, a manlapod singa la mangaatap abaloan ton alsada may taligagboan tan ingal day ugugaw, kanian inuyos toy kampilan to tan tinakbaan to ra may ugugaw ya inousilan ya anggad dalem na simbaan tan no ag labat anganko agapol tan nipotpotipot ed samay akalagaygay a kortinan insabit ya manlapod tagey na koro, apotulan to ra angankon ami wadmad dalem na simbaan. Kanengneng dad saya ran may payakot inyan day kuyat ya imbaga rad amin a naabet dan ginmapó lay rebulusion. Agda amtay gaween dan mankapot na tindaan da ran may pigaran atilak ni ran nanlukas, walaray intsik ya atilaktilak da lad paway so dakdakel a piesay abel da, tan akamayamay a bibii abalbalang so sinilas dad gaway batik da, ya kasalisalí laran sinmabid abong. Kapalpalaran ta saksakey so asugatan tan pigpigara met so bukolan, a sakey ed saraya may dilin militar nen atumban atolin ed impitulot tod samay nipotipot ed sikaton kortina, ya singa to nanaangob a mansesngaw a filibusterismo. Sayan inkagawa akalaan toy baleg a galang tan dayew, tan oy la komon on onia la labat so kidadálay pakagamor day militar na dayew tan galang, piano agmet la nabawasay tood tapew na dálin tan agmet lara sinanangis so kainaan!
Diad sakey a barrio, walay abiglaan dan duan kataon mangikokutkot na pigaran armas ed silong na sakey ya abong a tinabla. Aguloy entiron barrio tan saray taga diman labay da lara warin usilan iramay duaran pateyen tan iter so bangkay dad saray mamakauley, tan maong ingen ta walay sakey a tood man ya apakepá toy petang na uló ray ibiba to tan imbaga ton masarag lay pangiparungtal da ran may armas ed presidencia, bangta dagdaan met ira labat ya eskopeta ya ngalngalin say unaonan napaltog da ni anganko et say dilin mangablit ed sikara.
