"Dali, kuay sakey a mansebegsebegan; "no say labay da et onalsa itayo, onalsa itayo!"
Saya balet a manscsebegscbegan nairapan ed pekpek tan poniti tan impankakarut day bibii ed sikato ya alabas nen sikatoy akankien niramay eskopeta.
Diad Ermita lalon mauges ni agawa anggaman anggapoy dakel a guló anta walaray nangel a paltog. Sakey ya empliadon mapasakbay ya impaway ton awitawit so amin ya armas to, anengneng to nen mansilunget so singa tood abay na abong to, nilutoluto to lan tampol ed nunot to ya sakey ya estudiante tan bengatbengat to pinaltog na amidua, ya andi pasantábi. Sakey manayan guardia veterano, tan inkutkot da met lan tampol ya anggapo lay inmesel.
Diad Dulumbayan pigara met so nangel a paltog, a walaran inatey so sakey a masiken ya emel kalamor kanian agto nangel so quien vive ya intawag na sondalon bantay, tan sakey ya Laboy ya anggaman nangel to et agto met niebat so "España." Samay masiken ag nipunpon a tampol ta anggapoy kuarta ton nibayar ed punpon, et samay baboy nanaapagan dan sinirá.
Diad Ibale, diad sakey a lakoay masamit iran ipapalamis ed asingger ed Universidad, a maparanay dan lalaey estudiante, onia ray salsalitan nipaakar ed inkipangaw da ra nia:
"Narel lay Tadeo?" kuay akantindaan.
"Antoy agawa yo, áli," kuay ebat na sakey ya estudianten manaayam ed Parian, "pinaltog da la!"
"Pinaltog da la? Ay ina! Agto ni abayaray utang tod siak!"
"Ay, agkayo maknol, áli, ta ompano nalanor kayo! Pinoulan ko la may libron impabayes tod siak ta ompan manuna ray guardia et naalmo ra! Manaluar kayo, áli!"
"Impangaw da met konoy Isagani?"
"Ambagel met iman si Isagani et," kuanton may estudianten ampetang so uló to; "agda met komon narel et nakar toy linman dildilin nanparungtal! Say maong et terakay karol! Pinaltog da met la anganko!"
Sinintak ton may akantindaan iray abalá to.
___________________
1 Say naugaliyan nen uley na Kastila na walay 100 ono totoon onlabas ed pasen iran kawalaan day guardia (sondalon bantay) "Quien vive?" kuanto nia, tan onebat imay too ono totoo no pigara re, na "España." Say quien vive singa bilang siopa ka tan say pangiebat na España kabaliksan toy katooran ed Espana tan pamirbir na uley to.
