"Ka!" kuanen eskribiente; "agkayo manigsisia, anggapo tay putol! Kapalpalaran ta si mananimbawa ed kinen....." insan to insinyas diay lima toy maamoamot.... "et agmakayari."
"Si Simoun!"
"Ehem, chem, chhhem!"
Nanlimgisan lamet si Plácido tan samay gumagaway koitis.
"No ag labat la asakitan.....'
"Konkonwarin walay rebulusion!" kuanton may gumagaway koitis ya amagamagan singa anggapo labat so wala, ya anelsel na sigarilyo tod mad tagey na tuboy lamparaan; "antoy gaween tayo sirin ey?"
"Onalsa itila laingen a tua ta no putolan da itayo lan lamang.....
Apotkan la warid pinasian okok toy platero kanian ag nangel so sampot ya ibabaga nen Chichoy. Balet ta makapataktakut anganko unong ed nengneng na makapakebiew a panangiandawes ton may sankaegnaan ton soplete tan say ambilbilunget a lupa ton kaolibay na lupay japon a pumapaway ed sarsuila ran makapaermen.
"Mansasakitsakitan labat itan ta antakut ya onakseb. No nanengneng ko....."
Nanokok lamet a pinasia may maestroy platero tan kalabas na okok to, akikásin onalis lara.
"Ontan man, maong lawas so manparaan," kuanen managgaway koitis. "No napasout itayon mamatey ono papatey.....
Apotkan lamet wari may masegsegang a platerod dokey na okok to, tan saramay managkimey to tan arum ni ran wadman, pinmawil larad kaabongan da ya agsi demet iray inawit dan martilyo, lagari, tan bengabengat lad tan ya arumog dan makasugat ono makatiweng no ipekpek ya talagan gagala ray milaban a yagel so bilay da. Iman met lara di Plácido tan si managgaway koitis.
"Maong lawas so maaluar, maong lawas os maaluar!" kuanen maestron mikakasi ya akisakisay bosis to.
"Akauley kilad asawak tan saray ánako!" kuanen masisia ya mikakásin lalon akisakisay bosis to, ta singa to la nanenengneng so laman ton atanektanek na bala tan impunpon la.
