kamarerua ton alimbos na makapulag a liwawa ed saray mamadre ed Santa Clara. Mapatpatnag ya inlábay Dios lapod
saray akamayamay a misan iniiter to tan saray impapatawir tod
simbaan. Sayan dengel, napapanoan, manbubulong, manbubongá, tan anggapod saray makakangel so manduarúa. Ibabaga
ray kawes ton pinmayawar, ya anggapo lay arum, no ag samay
frac, say aping ton nantamikil na gágalen, tan agda met alingoanan so kuakon sungapan toy apian tan say lalong ton ibubulang. Si sakristan mayor ta wadman met a mandengdengel,
mantanger a mabinbinta, ya nonunoten ton no sikatoy ompatey,
ompayawar ya awitoy lusor na tajón ampoti ta diad panagnunot
to, no ag makainom nia ed almosal agto nayariay manliket
diad dálin may diad tawen.
Sikato la yay abatik na tungtongan ta mapága ran tuloy a mansalitay nipaakar ed saray agawgawa nen agew ya imbeneg, sakey ni, walarad may tajor kanian andi agda akalamit ya nipaakar ed bulang,.....no kasí ta bágaan nen Kápitan Tiagoy San Pedro ya misoltada, no manpupostaan ira, no kasi ta ag ira ompatey so lalong ya ibubulong dimad bilay a sakey, no ag ira kasí nasugatan, tan no onia, siopa kasí sentensiador, siopa kasí manalo, etc....ya supiatan irayan apakpaknaan da ran may ipapasen da ray kakabatan, saray teorías, tan arum niran inleletneg diad tapew na dálin ya ag nalingo, impuyan, odino imbagay Santa Iglesia ya tua tan manepeg a sisiaen. Dakdakel ya anodnunotan dan nababasa ed saray nobinas, libro ray milagro, salsalita ray kúra. nababasan itsuray tawen, tan arum niran nambabangil a nankakawetan. Si Don Primitivon pilosopo singa walad gloria ya mangibabagay kaisipan day mangakabat nipaakar ed dinidios.
"Ag nayarin walay natálo," kuanton singa mamaong; "satay katálo pansengegay ingungot odino kaermenan, tan diad tawen ag nayarin walay manermen."
"Balet ta nakaukolan a walay manalo," kuan met nen tajor Aristorenas; "ta ditay kawalaay samit!"
"No ontan, manalo ran dua sirin!"
Satay manalo ran dua ag naako nen Martin Aristorenas, sikato nimet ya minasikenan to lay bulangan tan lawas ton anengneng a diad bulang et manaloy sakey a lalong tan natáloy sakey; anggaay nagawa bilang tablá. Anggapoy gunggonay impansalita nen Don Primitivo ed latin, anta ataptapew lara lantin salitay inkakana to ya mainomay iran talusan, ta saray
