ibábaga to an gallus talisainus acuto tari armatus, an gallus
beati Petri bulikus sasabungus sit,1 etc., anggad nen anggapoy
nagawaan to, apaabig to lan inkanay panagrason a mabetbet
dan ikakanay totoo no labay da la ran patondaen tan pasukoen
so kasupiatan da:
"Napelag kad impiernos, amigo Martin, manmaliw kan hereje2 Cave ne cadas!3 Agtaka la sugalen ed monti! Ag ita met la manbakas! Papaandien moy andi anggaan a pakapaniari Dios, peccatum mortale!4 Papaandien moy ipapatnag na Santísima Trinidad ya say talora et saksakey tan say sakey et talora! Manasikaso ka! Papaandien mo, anggaman aliwan maparungtal, a say duaran inkatoo, duaran pakatalus, tan duaran linawa et nayarin saksakey so nunot da! Manasikaso ka! Quicumque non crederit, anathema sit!5
Si Martin Aristorenas singa abekew a pinmoti lupa ton manggiwgiw; si intsik Quiroga balet ta tinalineng to so amin ya imbaga nen Don Primitivo, pinatabako to yan magalgalang na mabmablin tabako ya bansag na impanepet tod tonoy bosis a mansingsingi na:
"Sigulo, nayali kontalata bulangan diman ed sikato Kilisto, anto? No patey siak, siak kontalatista, a?"
Diad arum iran pulok say totungtongen da si inatey; sasalitaen da no anto kasi maong ya isulong ed sikato. Unong ed Kápitan Tinong sankaabigan lay ábitoy pransiskano, tan nayarian ton iter so inatol to ya dagdaan ya anusnosan lan asakabsakaban, masurin kawes ya unong na kuanton may parin angipayábol ed sikato ya salat na inter ton talomplo tan anem pisos, ag nadiwit na apuy ed impiernos so bangkay ya angisulongan, tan tinungtong ton makatasid saya so pigaran uliran iran masantos ya abasbasa ed libro ran ibubúyak day kúra. Si Kápitan Tinong anggan onmanlay panamablí tod saman a masagradon kawes, sipaparaan a mangipalabí ed malet a kaaro to ya agto adalaw legan ton nansakit. Inkuan balet na sakey a sastre, ya wala met so pankatonungan to, ya no saray mamadre ed Santa Clara et anengneng day Kápitan Tiagon sinmegep ed tawen ya akakawes na frac, talagan frac sirin so manepeg ya
_____________________
- 1 No kasi ta say ibubulang a talisayen et mantári makmakdem, tan no kasi
ta ontalog so bulik nen San Pedro, etc.
- 2 Totoon ag manisia ed bengat lan nepeg a sisiaen ed religion katólika.
- 3 Asikasom so sarapen mo tan ompan napaktak ka!
- 4 Kasalanan a makapatey.
- 5 Say ag manisia, excomulgaen!
