isulong cd sikato diad tapew na dálin tan anggapo lay pankaukolay pangisulong ed sikatoy kawes ya ag ondangat ono ag
kaney apuy. Nen mabilay akakawes na frac no ounlad sayawan, no ounlan mipipista, tan ontan met sirin so kanepegan
tod tawen.....insan, kapalpalaran ta walay frac ed sikato ya
adait lan kasusulong tan nayarian ton iter na talomplo tan duay
pisos labat, mamura ni apat pisos nen samay ábitoy pransiskano,
ta agto labay a panuboan si Kápitan Tiago ta suki to diad
tapew na dálin, tan natan manangiesel tod tawen! Si pári Irene
balet ta sikato lanti pinilin tinoró nen Kápitan Tiagon mangasikasoy katunton na testamento to, anggapoy inako tod sayan dua,
tan ingganggan ton sulongan day bangkay na anggan dinan
ed saray kawes ton daan, tan inkuanton napnoy kasantosan ya
ag nenengnengey Dios so kawes.
Say punpon to sirin sankablian. Taloran papári angipunpon a singa bilang kulang so sakey ed onman lan kabliay kamarerua, inabet dad abong a dinasalan diman, aminpiga ran intondad lansangan a dinasalay inkanta, ginaway amin ya amtan nayarin seremonyas, tan nibantog nin wala ni ray inaarom ya inaarom ya aliwan naugaliyan a darasalen, a singa met nagagawad teatro no walaray ipanopáno ran extra ya ipapaway. Talagan makapalikliket a punpon; abunton so impasob ya incienso, andurukey iran kanta ed latin, dakdakel so inwalsik ya agua bendita'.....tan si pári Irene, diad pamagalang tod kaaro ton inatey kinanta tod koro ed mansekiew a bosis toy Dies irae.....tan saray totoo sinmakit so uló rad onman lan bayag na impanugtog iray kampana.
Si Donya Patrocinio ya sipor lan katagam nen Kapitan Tiagod kasantosan, sinmabid pilalek ton taltalagay ompatey met lad kaimbuasan ta pian napalakbatan to ni bilí tan dakep na punpon nen katagam to. Sayan masantos ya akulaw agto napaloob ya anta tinalo to lan aminpinsan si Kapitan Tiago ed bilay aya et diad impatey to, singa aliling toy inmolin binmilay ed onman lan kabliay punpon to. On, sinmabid pilalek toy ompatey, tan singa to sankarengel so salsalita ray makabantay ed punpon to:
"Sikato yay talagan tatawagey punpon! Talagan amta yoy manepeg. ya ipapátey, Donya Patrocinio!"
