Ginawa toy anggaay nayarian ton impamokpok cd inkasikaton may atagey a betang ya cmpliado, nantelektelekan lad pamipika nen Kapitan General ed sikato, tan sináli to lamet so sanancey a dalán.
"Balet ta.....agyo kapagaay eebátan yo, Sankatageyan a General?"
"Antoy kapagaan ko cy?" kuanen Kapitan General ya apultot lay ános to. "Andid siak sirin so pakauley ya manggaway bengatla unong ed pakatalus ko tan napaabig ko? Agko sirin nagawaay antoman a labay kon gaween a pamaabig na uley ed sarayan kapoloan? Antoy takotan ko ey? Nayarian ak na sakey ya aripen ya idalem ed okuman a kerewan toak na nepeg kon ebatan? Ay saló! Anggano wala ni pankanawnawa to bilang, nakaukolan to nin ipadalan ed Ministerio tan si Ministro1....."
Inandawes toy lima to ya pangipanengneng ton anggapoy kaanoan to insan to impandak.
"Bukor na diabloy makapikabat no iner so kawalaan natan nen Ministron anurod siak, tan awey no ag balbaleg a kitandoro toy pakapangilúgay tod siak no ompawilak diman! No satay sinmandid sikato ay, ni nanonunotan ko.... tan akauley met lad tan ya awiten ya nen Satanas.....Samet so onsublay ed sikatod satan agto nagugoy anggatel tod irap ton manguksoy na gawa to, kanian agto la naarap iratay minaminá. Siak ingen, pinablik a sinyor, anganggad konsiensiak so bibirbiren ko, sikatoy totumboken ko, tan say konsiensiak malinew tan anggapoy walad siak ed ibabaga nen onia ono ibabaga nen ontan a too. Say konsiensiak, pinablik a sinyor, say konsiensiak!"
"On, Sankatageyan a Kapitan General, balet ta say bansá...."
"Tat, tat, tat, tat! Say bansá.....anto konoy pibibiangan kod bansa ey? Wala ta ray ineselan kon susumpalen kod sikato? Utang kon linawad sikato tay kipapasen ko? Sikato tay anurod siak?"
Anggapoy inmesel. Si atagey a betang ya empliado tewek. Kasanlilikna, ya man bilang niyadyari tod nunot toy gaween to, tinmangwa, sineleng ton ag inalisay matay Kapitan General, tan amespesiaw tan giwgiwan, inkuantod bosis a pinukpokan toy anggaay nayarian ton ag inkasil:
___________________
1 Opisinay Secretary of Foreign Affairs ed España tan say dilin Secretario.
