binawi ton sinamsam ed saray akarakep a Moros ya andi pananisiad Dios. Siak kastila ak met, balet ta manonaan nen say
inkakastilak so pangigagatonan koy inkalakik, tan
met nen say España, ya labien ni nen say inkasikaton dili, so
galang to, tan saray masurin angiletnegay totumboken ed maptek a panagnunot tan kagagawa, saray miandon angiletnegay
ag naoman a kaptekan! Ah, pankelawan yoy onian panagnunot
ko, ta agyo ni abilibilin petepeteg so katageyay suri na ngaran
a kastila, agyo ni abilibilin petepeteg, andi ni; ipapásen yon ang.
gapoy duma tod saray totoo, saray kayamanan; diad panagnunot
yo say kastila nayarin matakew ed kadayatan, nayarin manamátey, toon pakalalá, paklap, tan amin niran kaugsan, dapot no
agto naikbanay walan pakayari to tan kayamanan to; no diad
siak, say kastila, nayarin nabalang tan nabulosan ton amin, nanarian, pakauley, kayamanan, amin, amiamin, andibali kagalangan! Ah, pinablin sinyor ko, onsusungpa itayo no nabasa
tayon say biskeg et manonaan nen say katonungan, et titipakan
tayo balet no diad gáwa et nanengneng tayo yan biskeg a pakalalá ya aliwa labat lan pipikeweten toy katonungan no agta
ikakana ton pamatulok.... Nisesengeg ed panangarok ed España, mansasalitaak dia natan ya ontatalek ak ya ontongangan
ag nakebiew ed ambilbilunget a lupa yo! Agko labay ya diad
arapen iran panaon et nidalem ya maruksan ikit day kabansaan,
managsupsop na dalá ray kabalbáleyan, masulit a manuley ed
saray ankelag a kapoloan, ta sayan nagawa makapataktakut a
kabalaw tan mangekal na galang na masurin gagála ray inmona
la ran arári tayo! Panoy panosumpal tayoy masagradon impatawir dad sikatayo ey? Insipan dad sarayan kapoloan so panangaklolo tan kaptekan, sikatayo balet panggagalawan tayoy
bilay tan kawayangan day totoo dia; insipan day panbilay a
mabonigas, pepegetan tayon imemermer balet, ta mapaga itayon
anapen dan takpaney magalang a panagbilay; insipan dan sileway kanunotan da, et bubulagen tira balet pian agda nanengneng ono nabilibili so panbibilay tid andi dangkán panaglawan;
insipan dan ibangat so maábig a walna, kaadiaan tan kasimpitan, pabobonaen tayo balet so kagagawa da ran mauges, kanian
inbis ya kareenan, bonigas tan kaptekan, manouley so pága tan
segaw, ompápatey so komersio, tan onkakayat so panduaruwa ed
kapusoan day katoowan. Ompasen itipa labat ed kipapasen day
pilipino tan nunoten tayo no antoy gaween ti kasí! Ah! diad
