inkamemet yo, mapatpatnag a say liknaan yo so no wala kayod
pasen da walay pankatonungan yon ontonganga, tan no magnayon yan uges na kipapásen nasabin andi saew so agew ya
itongangá ra, tan diad katuaan walad dapat day kaptekan tan
say pililiknay amin day totoon maptek a panagnunot, tan amin
day maarod dálin dan nianakan cd sansinakoban! No igimor
ed sakey a bansay kasileway kanunotan, ag kagonigoy ayaman,
kawayangan, kaptekan, ya kayamanan irayan diad kaandi ra et
agnayari manbilay, tan lapod saya et ipapasen iran tawir na
siopa man a toon pinalsa, satan a bansa, walay pankatonungan
ton manggawa cd siopaman a manamsam ed sikato ra nian tawir,
na singa gaween ed matakew ya manabat ed sikatayod dalán:
anggapoy pandurumaan, anggapoy nilikor, saksakey so nanengneng ya agawa, saksakey a kayarian, saksakey a kasalanan, tan
dinan man a toon maptek a panagnunot tan kagagawa ya ag
mila ed apaunong, manmaliw ya akinunong tan taldengan toy
konsiensia ton díli. Tua, aliwa ak a militar, matatken ak la,
tan saray taon ya onlalabas, kakalkalnaan dan sesebsebay petang
tan layap na dalak, balet ta unong na patartar ak ed pangilaban
koy inkatibukel na galang na España, ed siopa man a sankailin
ontalek a onloob ed dálin to, tan diad sara met so andid katonungan tan ag onyarin pilalek day bansan walad silong na
pakauley to, ontan met ya ipasigurok ed sikayon onggampiak
ed saray pilipinon napapaunong, ta labien ko ni ompatey ed
pangialibansak na pankatonungan day totoo ya nitatalirak, nen
say manalon kaulop ko ray siblet tan panangasikaso labat ed
kaabigan a díli na sakey a bansa ya anggaman sayan bansa et
mangaray España.....
"Amta yo no kapigay isipot na bapor correo?" kuay tepet nen Sankatageyan a Kapitan General ed bosis ya ambetebetel katondan nansalita nen atagey a betang ya empliado.
Saya, sineleng ton ag inalisay matá, intewek to, insan andi esel ya tinmaynan ed palasio.
Asabí tod mad tanamanan so dílin luganan ton mana- alagar ed sikato.
"No nasabi agew ya ibeliaw yoy panbilay yod kawayangan," kuanton sinonunot a singa agto amtay ondadalan ed liberliber to, ed samay kotsiron angilukas na puertay luganan, "agyo
