pian nagamoran tod Madrid so kinatnat na panayam nen kaaro
tod bansá, tan sisimbawaen to yan mangigapó lamet na sakey
a kampanya ta pian walay makasengeg na katilakan to ni, balet
ta kuan met na dengel ya si Kapitan General et ononaona man
ya agto dengelen so simbawa nen sankalabian ton kaaro, tan
ipápasen ton igaganggay kagalangan so agto panginatnat na
anggan mogmon saksakey ya agew so pakauley a bebenbenan to,
kanian dakel so maililalo ya magano lay kagaway tataláranan a
punsia. No nipaakar ed Simoun anggapoy petepeteg a makaamtay likanaan to, lalon ag masmasel, mataltalag ya onakseb
ya anggapó la wari makanenengneng ed sikato, tan makaimis
labat na araldalem no walay makasalitad sikatoy nibawag a pasasabiyen a punsia.
"Dali sirin, sinyor Simbad,"1 kuanen Ben Zayb ed sikaton aminsan; "pulag yo kamin tay agmini anengnengneng a gawad América. Dali la. ta wala met so utang yon linawad sayan bansa."
"Ag panduaruaan!" kuay ebat ton imis to ngolay ama gamagá.
- "Ipakalimpog yoy abong ed dorongawan,2 anto?"
- "Nayari met. balet ta manlapod anggapoy abong ko...."
- "Sinaliw yo komoy abong nen Kápitan Tiago ta amuraan
lan lamang ncn sinyor Pelaez a singa to labat alangkap!"
Ag inmesel si Simoun, tan nanlapod saman mabetbet a nanenengneng ed tindaan nen Don Timoteo Pelaez, a say dengel so akimoyongan to. Kalabas na pigay simba, diad bulay abril, binmawag so balitan si Juanito Pelaez a saksakey ya anak nen Don Timoteo, asawaen toy Paulita Gomez, samay marikit a pantinindeken day taga bansá may totoon dapo.
"Walaray lalakin mapalar!" kuanday arum a komersianten masisiblet, "aliling lay akalamkap na sakey ya abong ed impakamura to, maong ni impakalako toy saliw ton zinc, akapimoyong ed Simoun, insan ni makamanogang na mayaman a tomatawir.....ay saló, mataltalag ira tan a kapalaran a nagagamoran day maong a totoo."
"No amta yo labat lay nanlapoan ton tan a kapalaran nen sinyor Pelaez!"
____________________
1 Diad tungtong ya "Arabian Nights," sayay Simbad sakey a toon sankayamanan.
2 Pananalita ray kakastila ya, no labay dan ipatalus ya anggapay dangkay panggastos da.
