"Sikato tay nangel kon ibábagay sakey a lanang a mantatalabutob ed sikatod benegan, tan mapalaloy panangala toy lupa tod arapan."
"Dadalawen to met si Kápitan Tiago?"
"Nanlapod samay agew ya insabi to dia, tan walay sakey a makakaimon a mangipapasen ed sikaton katagám.....ed katatawir.....Say pakaisip ko labat laen toy Kapitan General nipaakar ed pangibangat na salitay kastila"
Diad saya sinmingger so sakey ya igaganggan ya angibagad Isaganin patatawag nen pagamaen to. Diad sakey ed saray bankod man ed olin akayurong ya akilaok ed saray arum a pasajero so sakey a párin andeket a nengnengnengen to ray nalalabasan iran pasen a dadalnen. Saramay kaabay to papalugaran da; saray lalakin onlabas ed abay to itagey day sombrio ra, tan saramay mansusugal ag ira ontalck a mangiasingger ed sikaton may lamisaan a pansusugalan da. Saman a pári aliwan másel, ag mantátabako, aliwan mapasáng, anggapod sikatoy agto bilang napakanay milurnog ed saramay lalakin wadman tan diad pangilugay dad sikato, ilugay to met iran maulimek tan magrasia singa bi- lang napapagalangan tan bibirbiren ton utang a linawa. Matatken la, amalakpak lay uló tod uban balet to nengneng toy mabiskeg ni tan anggaman manyoryurong, makmaktek so laman to tan akatangway uló to, balet ta anggapoy nanengneng ed sikaton kinon may ag pangitaltalek. Níduma cd karaklan day papárin indio, anggaman tua ta dagdaiset nira ya, ya diad saraman a panaon et nipapasen ira labat a koadjutor, odino makapankura met ira no maminsan a maganó, ed awawey ton mabinta tan mareen a singa bilang nabibilibili ton maong so lilibiten ton galang tan say inkasagrado na kipapasen to. Diad pangimanod sikato, anggano andi lay buck ton amalakpak, napatnagan a tampol a nibilang ed sananey a panaon, sananey lan polok na totoo, nen saray matalonan tubonbalo et anggapo ni paga ran napaabebay galang da ed panpári ra, nen saray papárin andeket et naseleng da ni ray papárin ampoti tan ipapasen da ran kapára, tan nen say kipapasen da ya agni apaabeba tan agni apauges et kakaukolan to ray lalakin walad kawayangan ya aliwan aripen, pakatalus iran matudio, ya aliwan
