Asabin siansiay agew.
Si Simoun agla inmakseb a nanlapo lad kabuasan ta sisinopen to ran babalkotey armas to tan saray tagilako ton alajas. Samay onmanlan kayamanan ton ngalngalin ag nasisia nisinop lan nitalak ed samay maleta ton balatyang ya insupot ed abel a lona. Walara labat so pigaran estuche2 ya atilak ed paway ya anginay pulseras tan tolaing iran brillante ya walara lági nunot ton pangitdan. Apaabig toy miolop lan onsipot ed kinen Kapitan General ta saya agla nabaat ed ipikal to ya agto lan balot inatnat so panuley to ta mapaga ed panlabir day totoo. Saray mainap ipabpaabay dan ibaga ya antakut a mipalaran si Simoun a natilak a bukor, ta no anggapo lay sekder ton mangilaban ed sikato, mapaga ed nayarin gagaem dan ombales na ontan lan karakel na apespés ya apaunong tan apasegsegang, lalo la nimet ta dengel a say onsalat a General et nababantog a maptek a panagnunot tan agla pigá no paipolang to ni ingen so amin a nalmoan to. Saray indio balet a mamalí, alutoluto lad linawa ran si Simoun so dílin demonio ya agto labay a siyanan so kamareruan arakep to. Sara balet so ambilunget a panagnunot ikindat day makapappainap insan da ikuan:
"No saray duron et asimot da lan naupot so pagey ed dinapdapan dan kaumaan, onla lara lamet ed arum a pasen."
Pigpigaran nabilangbilang so makakaimis labat ya ag ira oneesel.
Diad ngarem ton man, binilin nen Simoun si ugaw to ya no walay mananap ed sikaton tubonbalon manngaray Basilio, palooben ton tampol. Insan nantalak ed silir to ya singa ma-
____________________
1 Ultima Razón de Reyes Salitay kastila ya say labay tɔn ibaga "say sankaonoran a katonungan day Arári say biskeg" odino diad arum iran salita, "no anggapo lay nagawaan, ipakana da lay biskeg ya pamatulok." Say iisipen ya angibaga nia si Calderon de las Basca, nibantog yan omaanlong tan sumu- lat a kastila.
2Kajan pilos a pananginay alajas.
