ngan day malétey, biskeg ya itopad biskeg, duksán yarap ed
duksá... Nen nagogonoyan labat manduarua ak, et linma ki
dia tan naitdan yoak na sekder; Sayan lábi ontekiab iran
nagalpong so masebeg iran mangaruksa, saray mangaruksan
agda cbatay gagaween da, saray onsasanib ed Dios tan Uley ya
ag ira nadudusad panlalames da ta anggapoy ontalek a miarapan
ono mangidalem ed sikara! Sayan lábi narengel na Pilipinas
so ompaltog ya mangalpong cd ag nabaliksanan a monumenton
inaporak a dildíli so katemek to!"
Amangay Basilio: manggalaw iray bibil ton anggapoy ompaway a tanol, say pakalikna tod dilá to ontatalker tan namamagaay taektaek to. Saman to labat anengneng iman a mabiskeg a kinon- danum ya abayag to lan narercngelan a kikimeyan dan sansansakey a terter ed maamot, na totoo ran ambelabelat ya nengneng, ya singa agda isasanggay pankikimcy dad kagalpong na katoowan. Natan walad arap ton malinlinew tan duyawduyawan, ya aapigeren a tonggal daraiset ya ibábales ed samay marakerakep ya inkagawan bongay granada. Say pakanengneng tod Simoun singa samay genio1 ed tungtong ya Mil y Una Noches2 a manlalapod dalem na dayat; singa binmalbaleg ya apalakbatan toy alan, ya natotukdol na uló toy tawen, pateteraken to may abong tan yuyugayogen toy entiron siudad ed maminsan a pangigalaw toy beneg to. Nanmaliw met a balbaleg so pakanengneng tod samay granada tan saramay betagbetag to singara ngiriyet na demonio ya papawayay ngalab tan apuy a manlayap. Saman labat so intakut nen Basilioy onman ya abalang ton aminpinsan so gendat ton ambetebetal ya impangulo.
Legan to nian ondadalan cd liknaan nen Basilio, itutornilyo nen Simoun ya eeleten dimad dalem na granaday sakey a nidumaduman masuliwet a talusan ya aparato, impatumbok ton inyan imay tubon salming, samay bomba, insan to intoon ed tapew so marakerakep a pantalya. Kayari tod saya, inarawian toy daiset ya binistay itsuray ginawa to, ya ikilingkiling toy uló tod biek tan biek ta pian namuria ton maong so itsura tan dakep to.
Tan manlapod alingawan toy Basilion terteregan tonian napno ray matá toy opápet tan pága, nansalitay onia:
_____________________
- 1 Inkantado.
- 2 Sanliba tan Sakey a Lábi. (Arabian Nights ed English)
