"Sayan lábi walay nagawan punsia tan isabit yan lamparaan cd pegley na sakey a kioskon pananganan ya impaipaalagey kon intalagad sayan kanunotan. Say liwawa to nian lamparaan marmarlang ya sarasarag ton bukor a silewan so lapag a pasen a kawalaan to, balet ta kalabas na duamplon minuto onkuyep tan diad pangitulo ray pabilo ompaltog so sakey a capsula na fulminato1 na mercurio, onterak yay granada ay ya kabansag toy pananganan, ta angisusupok ak na sako ray pólvora ed atep tan silong na datal to ta piano anggapoy nilában a nabílay....."
Keneng ya aganó; nengnengnengen nen Simoun imay lamparaan tan si Basilio agla wari onlilinawa.
"No ontan sirin anggapoy kakanaay itúlong ko," kuanto nia.
"Andi, ta walay sananey ya gaween yo," kuay ebat nen Simoun a sinonunot; "a las nueve tinmerak la yan makina tan say tanol to narengel ya anggad kaliberliber iran balbáley, diad kapalandeyan, diad saray ungib. Say rebolusion ya imparaan ko nen akinunong ak ed saray artillero naapá, ta kinmulang na angipangulo tan impanbabansag. Natan sananey so nagawa. Kangel ed tanol ya ompaltog saray masegsegang, saray napapaunong a napcpespes, saray teyengteyeng a manaamotamot a napapairap na biskeg na pakauley ompaway iran siaarmas ya mitipon ed kinen Kabesang Tales ed Santa Mesa ya looban dan takbaay siudad; sara balet so ombaley a sitatakut ta inisip dan asabí lay oras ya ipatey da, onaliwagwag iran onalsan mamatey odino papatey, tan manlapod anggapoy armas da tan aguló ran agda amtay arapen da, ni gaween dan petepeteg, sikayo tan pigara niran iba yo, ipangulo yo ra tan yakar yo rad tindaan nen intsik Quiroga ya angiátolan ko ray dakdakel a pusil. Manabet kami nen Kabesang Tales ed siudad ya looban min samsamen, sikayo balet diad paway na báley diad saray barrio, pasenan yo ray taytay, páletan yo ra yan pasen tan manparaan kayon ondagon ontulong ed sikami tan patey yon amin ya andi inkerá so aliwa labat lan saray onlaban ed sikatayo no ag amin day lalakin masunglar a milad sikatayo!"
"Amin" kuay Basilion makalkalna ya bosis toy pinmagas.
"Amin!" kuanen Simoun ya inoman ed bosis a makake-
__________________
1 Say ompaway a sustansia no panlaokey ácido fulminico tan pilak, ona mercurio, odino zinc ono cadmia, va amin iraya ompaltog ira.
