lan mankalkalnay pakaugip.....Antoy gagalpongen a? Sakey
a kaugsan, say kairapan, dika ran makuririt, ta pian nisublay a
nitanem iray mabonabona! Tawagen yo tay panaggalpong?
Say panawag ko panamalsa, panaggawa, panagtaganó, panamabolaslás....."
Si Basilio ta kinmapoy so tudioy pakatalus to ed masulok a taloy bulan ya inkipangaw to, tan nabubulag nimet ni ed dalang na pilalek ton ombalés, agto natotunton a napapalinew a petepeteg so kaptekan may kaabigay antoman, tan ag makaskasel ya singa melamelag so liknaan ton ondedengel na onman lan duksá tan sulit na kanunotan ya imbalikas ed maseksekder tan ambetebetel a panangibaga. Inbis a yebaton say toon sankaugsan, sankatalawan tan sankakuláteyan la et daeg to nin siansiay tanaman ta walay kamarerua to tan pakatalus to, ya anggaman anto ni inkaderal tan inkabilungetan da et nayari ni ran siansian narundon; inbis ya onebat a say too et anggapoy pankatonungan ton mangekal na bilay na siopa man nisengeg ed kaabigay sananey, tan say pankatonungan ed bilay et walan akitekcp ya ag nabuknal ed sinansakey a too ya singa say pankatonungan ed kawayangan tan liwawa; inbis a yebaton no nipasen a panaglames na saray Uley so panusá rad toon kinmulang ono akagaway kasalanan iran naplagan to ya sikara lan lamang so angituldon ed sikato nisesengeg ed agda impangasikasoy nabebctangan da tan inkamureng da, lalo nin panaglames ya anggapoy pankatonungay sakey a too ya antomay katagey na. kipapasen to tan kaabigan to, ono apasegsegang a mapalalo, ya manusán ibales tod napapairap la kalamor a báley so kasalanan day manouley ed sikato tan saray atateng ton inmona; inbis ya ibagaton bukor na Dios so makagaway ontan, ya Dios bengat so nayarian toy manderal ta nayarian toy mamalsá, tan walad lima toy pakapangiter na tumang, say bilay ya andi angga, tan say arapen, ya makaiter ed sikatoy pankatonungan ed saray gáwa to, et say too anggapon balot itan a pankatonungan to, inbis a manrasoy onia, anganggad nibagá nen Basilio sakey ya ataptapewa kanunotan:
"Antoy ibagay talbay katoowan ed ontan lan karakel na pateyan ey?"
"Saray talbay pinalsa, idayew da ya singa unong lawas, ya iter day pankatonungan ed mabiskeg tan maruksa!" kuanen Simoun ya tekep na imis ton alay sulit." Say Europa indayew
