to ray bansad seslekan ed impangalpong dad nilaksan Indian
ed Amerika ya say akasengeg na nanggawaan da nia aliwa met
a say pangiletneg day bansá ran mas maptek a panagnunot,
magangganan ugali may mareen; nitay Amerika del Norte tan
kawayangan ton napnoy siblet, say ganggan a totumboken ton
tatawagey Lynch, tan say dutak na politica to; nitay Amérika
del Sur ya repúblika to ray maguló, mantotumbokan a rebolusion iran makakebiew, panbabakal day sankakadalaan, tan tutol
iran ipapaakseb ton makapataktakut a singa nagagawad dílin
Inan Bansá to ya España! Say Europa indayew toy makapanyarin Portugal nen saya et inoksakan to ray kapolony Molucas,
mandinayew met nen say Inglaterra et tinunaw tod Pacífico
ray totoon gendat ya tubod saraman a polo ta say pangisalat
ton pangipasen ed saray totoo to. Say Europa tipakan ton
idayew ya singa katitipak cd sampot na sarsuila, ed kayari na
ipatey na bilay: ta saray karaklan agda iimanoey petepeteg a
nagagawa, say nenengnengen da labat say asumpalan, say bongá.
No maong so kidalay sakey a mauges a gáwa, nadayew tan mas
dakel ni milad sikato nen saray marakep tan masurin pamaakaran ya ginawa ran andi esel tan ag imparungtal."
"Wadtanak ed kuanyo," inebat nen tubonbalo; "antoy walad siak bilang a dayewen da may balawen da, no saray manggawa nia et agda met aasikasoen a yaagel iray napapaunong, saray mairap tan saray maletey a bibii ey? Akin bilang et yansakit koy ulop day katoowan no agdaak yansakit ey?"
"Sikato tay labay ko," kuanen tukso ya análon siansia.
Tan inala tod kajon so sakey a paltog tan inter tod Basilio, insan to inkuan:
"Alagar yoak ed arap na Simbaay San Sebastian na a las diez ta diman yo kábatey unor iran ibilin ko. Ah! Sakey ni, a las nueve, nakaukolan ya arawi ki lay anggaay nayarian yo ed lansangay Anloague!"
Inosisa nen Basilio may paltog, kinargaan toy bála, inyan tod dalem na bolsay amerikana to. Insan imanla ya alenleneg a patanir toy amagamagán: "Mannengneng itayo naani."
