balet ta mandem diman tan mangiregaloy sakcy a lamparaan
a ni say lamparaan nen Aladin2 et ag makaabot....—Amta to
met ingen a say petepeteg a mangiiter na lamparaan et si
Simoun.....Et anggano ni.....anto ni anapen mo Timoteo
ey?
Aliwan dagdaiset so naomanay abong nen Kapitan Tiago. Sinalatan ya amiapinsan so papil ya apis day dingding³ kanian anggapo lay atilak a pakanengnengan ed asiot na asewek tan angob na apian. Samay akiawang a salas a singa lalon inmawang lamet so pakanengneng nisesengeg ed saray ankakabaleg ya espejon oninanlay pakanengneng na pamaparakel daran may silew ya araña, pinanatan ya aminpinsan na alpombra. Manlaped saray salas ed Europa et inalpombraan ira, anggaman manesiab a napanespejoan imay salas na abong to tan malalapar iran marakerakep a kolor na kiew so inkana, kapilitan ya inalpombraan met, ta no andi awatan et atilak! Saramay mabmabli ran yurongan nen Kápitan Tiago, andi la rad man tan diad pasen da nanengneng iray yurongan nen panaon nen Luis XV ya árid Francia; saray kortinan akasabit irad pinto, andurukey iran malaplapar a terciopelon ambalanga ya binobordaay balitok tan gapoy ngaran day kapankasal, tan kinakaleskes ed bandad pegley a sininger na nansusoldongan iran ginagawan rosas na azahar,4 tan manságar ed tablay malalapar iran samposampong dan balitok met. Diad saray suyok wala ran nanengneng so ankabaleg iran kinon-tibor a nanlapod Japon a misaletsalet irad saray nanlapod Sévres ya kolor day inanagan a magket a malinlinew, ya in papatoon irad pedestal iran kuadrado ya tablan nilalaboran. Sa labat so wadman a selang saramay kuadron mankanyang a kolor ya insalat nen Don Timoteo ed saramay daan iran kuadro tan impinta ran sasantos a kien ira nen Kápitan Tiago. Ag abaat nen Simoun ed saya, ta si
__________________
2 Ugaw yan laki ed sakey saray tungtong ed "Arabian Nights" ya akalmay lamparaan ya inkantado. Amin a makalan man a lamparaan birbiren na duende uno genio ya aripen ton man a katawan to ya tuloken ton ami ganaganan iganggan to tan palesaen ton iter so amin a labay to. Nisengeg ed sayan pakayari naasawa nen Aladin so malimgas a prinsisad báley ton nianakan, tan nala ton ami kinaliktan ton kayamanan, et siansia met balet a nagnayon so abig na walna to tan inkana tod maabig iman a pakayari to.
3 Diad saraman a panaon say moda apisay dingding na abong na papil a mararakep iray dibujo to, anggaman tua ta say makayari labat a manggagawa nia saray walaan.
4 Rasas na lukban tan dalayap ya iyan a parakep ed ulóy marikit a mankasal.
