- "Danzar sobre un volcan."I
A las siete lábi mansasbí laray sankaíli: akaona ray dioses iran ankelag, ya sikarayay abebay kipapasen ya empliado, saray pangulod opisina, saray komersiante etc., ya magalgalang so panangilúgay da tan mabinbinta ra no kasabísabí ra ya singa bilang kapkapangipasal iraman ya awawey da; ta singa ra natatalagnaw a napepegpegan ed onman lan panlangalang na silew, karakel na akamalagaygay iran kortina, espejo tan arum niran salsalming. Diad nagogonoyan onlabas met lay kasisikig da, dondonsulen da ray sandaraiset na poniti ray kabkabat da, et isanibsanib da met so panggawa ra nia, tapuktapoken da rad eges tan wala met la rad tay mantitiplakan ed tenger. Tua ta walara met so singa ag mangitaltalek, ta pangipanengneng dan mas maong ni nen samay pasal da,-anto sirin ey, talaga alWalay sakey a diosan manuwab ed kakaalipanesan to ta anakseng so pakanengneng tod amin, tan kuanton mankurkor lay eges to; sakey met a diosa kinulkol toy dios to, ya inandawes toy taklay ton pinaspas na lima to. Si Don Timoteo lugay dia, lugay dimay gagaween to, imis ed biek tan biek, igalaw ton ipeyes na daiset so balambang to, onsuner no arum, ompigar na kapaldua, ontelek ya aminpinsan, etc., ya ontan lan sakey a diosa et agto apukpokay impakapangibaga tod diosa met a kaabay to, anggaman sinaniban toy sungot toy paypay:
"Agi, nengneng mo, masiado lay impakapabaleg tod inkasikato! Nengneng mo ta anggapoy dumá tod "jumping jack!"
Nagonoyan sinmabí ray kapankasal ya iba ray Donya Victorina tan saray arum ni ran angulop. Pinapasamano da
________________
:1 Onsayaw ed tapew na bolkan. Say labay ton ibaga sirin so malikeliket ira ya agda amtay dadalnen dan kaalspan ya ompatey iran napalanit ya anggapoy nakeraan.
- 2 "Jumping jack"—Munyikan putot ya ininay nilikenliken a kawat ed sampot na kabaigan, kanian kapanlukas ed kajon to onlukson bigla ya mantumtumbay tanggal daraiset ed biek tan biek.
-355-
