wan, orkista tan arum ni, ontckiab iran mansasabuyag a nibanbantak ed dagem a singa sankaakop a ngalab, a bansag na
makakebiew a tanol; linmingaw ed liberliber to tan singa la
bangkay iray sankanengneng to inbis a saramay mirón; sankanengneng to ran abisangbisang tan aputotputot a say pakalikas tod pati dagem a susungapen to singa napnoy apuy, bang
balet so masion a linawa to atalo ton nipaliis iman a sinmebang
ya akakuliteptep ed kaisipan to ya apabaleg ni inkaerasan to
la, tan inkuan tod sikaton díli:
"No agni inmakseb, anggapoy kaatapan. Sakey ni agni sinmabí Kapitan General!"
Tan ginawa toy anggaay nayarian ton impangipatnag ya anggapoy pagpaga to, ya pinuk pokan toy pantayegteg day salí to, tan tatalibagaen toy inkasikaton dili ya mannonunot na arum iran nambabangil. Diad loob to singa walay dengdenglen ton mamabalaw ed sikaton mankuan:
"No manggiwgiw ka natan kasakbayay isabí petepeteg a tinandaan iran bekta, panon siri gaween mo naani no nanengneng mon managos so dalá, manliob iray kaabongan tan mansasueng iray bála ey?"
Sinmabí Sankatageyan a General et ag ninengneng nen Basilio: say iimanoen to say lupa nen Simoun ta sakey yad saray inmakseb ya inmabet, tan abasa tod ag mangongpang a lupa toy tutol ya pamatey ed amin iraman a totoo tan diad onia apasimbalo lamet so takut to. Naktel, insaral tod man ed padir na abong, tan labay ton parlesan no antoy nagagawa, ya agto alisay matá ray dorongawan tan sitatalineng. Sankanengneng ted man ed salas iray totoon kinumpog day Simoun tan amamayoen da may lamparaan; nangel toy panfefelicita rad sikato tan pandadayew da; saray salitan "pananganan" "onaonan pangikana" aminpigá ran nangel ton inomanuman; anengneng toy General ya akaimis tan pinarlesan ton pinetek ya ikanan ononaonad saman a lábi unong na imparaan nen alajero, diman nimet ed lamisaan a panganan nen Sankatageyan a General. Naandipat si Simoun a kikalayukoy iray mangidadayew ed sikato.
Diad saman a bekta tinmalonay abig na puso to, alingoanan to ray sakit na linawa to, alingoanan toy Julí, ya nanarid nunot to labat ya ilaban iray andi kasalanan, tan maseksekder so linawa to ya anggan anto ladtay onsabin nagawa, binatak toy lansa-
