ngan tan labay toy onloob. Alingoanan to balet ya marindingot
so kawes to; sinabat nen manbabantay ed pinto ya pinabaingan
tan nen anengneng ton ipasout toy onloob, pinagiaw ton manawag na duaran guardiay Veterana.
Diad saman a bekta onaakseb si Simoun ya pesiawan so lupa to. Si manbabantay na pinto tinaynan toy Basilio ed pangigalang tod Simoun ya singa santos bilang so onlalabas. Atalusan nen Basiliod nengneng na lupa nen Simoun ya agla ompawil ed saman ya atutolan ya abong, tan aselselan la sirin imay lamparaan. Alea jacta est.1 Ninunot to met lay ompaliis ya ilabay dílin bilay to. Agla piga no walay makanunot ya man osioson mandiwit nimay lamparaan, mangituloy pabilo bilang, onterak a tampol tan nitabon ya ami wadman. Nangel to ni Simoun ya angibagad kotsiroy:
"Diad Escolta, pagtik mo!"
Mapagpaga tan singa to la tatalaranan imay makakebiew a tanol, ginangganatan nen Basilioy anggaay nayarian to so enarawid saman ya insamban pasen; say pakalikas tod saray salí to singa ra ambelabelat, mankudias irad mad cemento yal singa alday onkukondang ya ag ira balet makakaalis, saray nanaabet ton totoo sasaraan day dalán tan say pakaisip to anggad pakakukondang toy maminduamplo linmabas lay limaran minuto. Nen akarawi daiset atopá toy sakey a tubonbalon manalaglagey, akatangwa tan terteregan ton ag alisay matá may abong. Abirbir nen Basilioy Isagani.
"Antoy gagaween mo dia?" kuanton tincpet. "Gálala!"
Ninengneng nen Isaganin singa nababalang, akaimis maerermen insanto lamet pinawil so inmarap ed saramay akalukas iran balkon a pakatatakilingan ed aliling na lurem ya itsuray nobia ya akadiking tan akaabrasete ed nobio. tan matantantan ya onaarawi.
"Gálala, Isagani! Arawian ta tan ya abong, gálala!" kuanen Basiliod bosis ton pinmagas a binenbenan tod taklay.
Ipupolisay nen Isaganin makalkalna, ya siansian agto alisay matá may abong ya imis ton ag angoman so marmaermen. "Diad ngaray Dios, onarawi itala kari!"
"Akin et onarawiak ey? Nabuas aliwa lan si Paulita!"
Ontan lay ermen da ran man a balikas to ya alingoanan nen Basilion aganoy takut to.
__________________
1 Wadia lay ipapátey.
