Inlingoan toy inkasikaton díli, andi abalan amaarap dimad
abong tan manlapod marakep so kawes to tan indengan to tan
nengneng toy masekder, anggapoy irap ton akatubong.
Legan da ra nian nagagawad lansangan, dimad pananganan dan may ankabaleg a dioses panbabalesan dan benbenbenan so meiag a pergamino1 ya walaran nabasan insulat na tintan ambaianga so onggendan iran salitan manangipakabat na patey:
- Mane Thecel Phares.2
- Juan Crisóstomo Ibarra
"Juan Crisóstomo Ibarra? Siopa tan?" kuay tepet nen Sankatageyan a General ya impalabas ton inderew so papil ed kaaba to.
"Aliwaliwan panaglurey!" ebat nen Don Custodio; "ipirinad papil so ngaray sakey a filibusterillon masulok lan samploy taon ya inatey!"
- "Filibusterillo!"
- "Sakey a panaglurey sirin a katotongangad Uley!"
- "Walara nimet diay bibii.....'
- Lingawlingaw si pári Irenen anapen toy nanlurey nen
anengneng ton si pári Salvin akayurong ed kawanan nen kondesa et pinmesiaw so lupa ton singa benbenbenan ton servilleta to, tan manmoldag iray matá ton terteregan to ra may ag nataiusan a salita. Biglan sinmebang ed nunot to may alón mansalita!
"Akin pári Salví? Nabibirbir yoy pirma nen kaaro yo?"
Ag inmebat si pári Salví; tinábi toy onsalita tan agto naamamtaay impangipunas ton may servilletad muling to.
"Antoy nagagawa yo?"
"Sulat ton petepeteg!" kuay ebat ton makalkalna ya ngalngalin ag natalusan; "petepeteg a sulat nen Ibarra!"
Insan to insaral ed yurongan to tan impelag to ray taklay ton singa kinmapoy.
Say paga ra nanmaliw a mapalalon takut; nannenengnengan iran andi esel. Si Sankatageyan a General labay to koinoy onalagey et mapagan ipasen dan antakot, kanian pinukpo-
___________________
:1 Katat na ayep ya nilinisan a maong tan kinarkaran a pinaimpis ya sikatoy ikakana ray inmonan totoo ya papil.
- 2 Salita rayan hebreo (salita ray taga Judea) ya angipakabat na katemek na Babilonia ya linmesa ran insulat na apuy ed dingding na salas a panpupunsiaan nen Arin Baltazar na pinas pasia, nen onloloob lay Ciro ed BabiJonia; niay talus da: Anlemlemew ka lad simbangan, binilang lay Dios soegew mo, say nanarian mo nabuybuyak a naspagapag.
