Kapikabat nen Ben Zayb ed agawa nen sinmabi ray angalay silew tan anengneng toy makapalpalek ya itsura ran may abiglaan iran dioses, pinasiay petang na uló to, tan kapangala toy abuloy na piskal a pangipapataniran iray ipapalapag, batik lad abong to—manaayam ed sakey a silongan a walaray kaamong to—ya mangikurit na sankamasurian a nabasa ed silong na tawey Pilipinas: talagan mairap so linawa nen Kapitan General no kasakbayay isipot to ct agtora nabasay atagey iran daydayew ed sikato, tan si Ben Zayb ta maong a puso agtoya abuloyan a nagawa. Kanian anggapo lay nilingaw to, agla nandem, tinaynan to lay sayaw tan agla inmogip ed saman a lábi.
Makbaw iran balbalikas na takut, sanok, a konwarin abagbag so mundo tan saray bitewen, saray maandon bitewen et nantotopaan iran nantatankian. Manomtumbok ed sayay sakey a paona ya mairap a talusan, nantarok na pasiki, maamot iran pasingayew..... insan say impanungtong na agawa, tan insampot ed kinon diskurso. Sinangaan, binolungan to ray agawa, inopot ton inkanan ami nanunotan ton marakep iran salita ya impangibagay inkatibakiar nen Sankatageyan a General ya iba toy yurongan to, tan say atrasadon inkabiniagay madios a muling toy sawsawan; indayew toy liksi ton inmalagcy, say siglat na impangitagey toy uló tod kawalaay salí to wari; inggalang toy Tawen ed impangasikaso tan impangilaban tod ontan la ran masagradon pukel, tan ontan lay abig na impansulato ya si Kapitan General et nanmaliw ya héroe tan "atagtagey so naplagan to" unong na inkuan nen Victor Hugo. Andi tonda ton nansulat, nanbural, nanpanó, angapiger, ta piano anggaman ag onkulang ed katuaan-tan sikatoyay sankabalgan
a kaabigan ton sumusulat ed palapagan—et manmaliw ya balbaleg a dayew ed saramay pitoran dioses tan kaugsan tan kapayotian ton may ag kabat a matakew ya "sikatoy anutol tan amatey ed sikaton díli, ed bansag ya inkatakut tan impakabilibilí
