sikato tan pasakitan dan lorlureyen iray masagradon institucion
na inan España! On, sinyores, sikatoyay nakaukolan na aliwa
labat lan kaabigan a bukor na sarayan kapolcan, aliwa labat
lan kaabigay sansinakoban, no agta kaabigan met na ngaray
España, say galang na ngaran ya españo!, say dayew na lapag
day bansan kastila, ta manonaan nen say antokaman, kakastila
itayo, tan say laylay na España! "etc., etc., etc."
Tan insampot toy impanulat to na onian panamasipot:
"Nayarian yoy onsipot ya andi pagpaga, oh mabayanin mibabákal, a napnoy dunong ya angitunton ed sayan bansá legay panaon iran sankamaguloan! Nayarian yoy ontaynan ya andi pága ya onsungap na masamsamit tan mapalpalupoy a dagem na Manzanares!1 Sikamin wadia, natilak kamin aliling na matour iran manbabantay a mamagalang na pannodnunotan ed sikayo, mandayew a napnoy kelaw ed ontan lan katagiay. kakabatan ya impanengneng yod gawgawa yo ra, tan ombales ed marumsis a tinalagá ran ginawa ed malagay a regalo yo, ya anapen min pilit anggan diad pakarapat min pakalmo et nakaukolan a limasan mi ray kadayatan! Say ontan lan dakep na natilak a panncdnunotan, kabaliksan tod sayan bansa so maandon monumento ya pakanengnengan ed esiab tan suri galang yo, betel na impanguló yo, tan bayani yo!"
Oniay singa makilot ya impangisampot toy insulat to tan kasakbayay panliwawad kabuasan impaibatik to lad panangidátakay palapagan a tekep to lay abuloy a pangipalapag. Insan to la inugip a singa si Napoleon kayari ton imparaan iray plano to ed bakal na Jena.2
Binangon day kabkabuasan ta impaipawil na manangikurang na palapagan imay gawa to ya katekep toy sulat to nian angipaliwawaan ton si Sankatageyan a General insebel ton malmalet tan malinlinew ya salitaen iman ya agawa, tan inbilin ton paandien so amin a bengatlan iter na siopaman a kaisipan a nipaakar, ono panungtong ed saman ya inkagawa, ya ipasen iran tungtong Basilio, alablabas na panagpabaleg na andi kakabaliksan tan bongabonga labat na kaisipan.
__________________
- 1 Sakey a villa na lúyag na Ciudad Real ed España; ngaran met na ilog
ya ondadalan ya onaagos ed Madrid.
- 2 Siudad ed Alemania diad ducado na Sajonia-Weimar, a
a nibantog nisen- geg ed baleg ya impanalo nen Napoleon ed saray prusianos nen taon a 1806, diad kaliberliber to ra.
