- Ich weiss nicht was soll es bedeuten
- Das ich so traurig bin!¹
Nen inlúgay nen pári Florentinoy polok daran may mantotungtong, linmabas lamay uges na uló ra ya nisengeg ed supiatan daran akaona. Nayari lágin akapaligay kanunotan day mararakep tan masaysayaksak iran kaabongan a nalalagsanan dad báley na Pasig, ono saray iniinom dan alak na Jerez, odino nayari met a say panaalagar tan singa pakanananam dalay masamit ya ogto; dinan man ed sarayay makasengeg, manelelek tan mansusutilan lara ya pati saman met lay pransiskanon mabeng, anggaman saya aliwan maknol, a pati say kakaelek to et alabas nen kuliseng na manpapanabos.
"Makapoy a panaon, makapoy a panaon!" kuanen pári Si-byla ya manelek.
"Agyo tan ibabaga, Vice-Rector!" kuay ebat nen pári Irene, ya intulak toy daiset imay tabureten panyoryurongan to nia; "maong so pakakalmo yod Hongkong, tan mamapaalagey kayoy akamayamay a.....
"So kuanyo," kuay ebat to, "ta agyo nanenengneng so gagastosen mi, insan saray kasamak mi et gagapoan dalay misusupiat....
"Tondaan pala ratan a daledalem, puñales, ta no andi makasibeg ak lan makaakis!" kuanen pári Camorran inkasil a malikeliket. "Sikami ag kami oniingel anta anggapoy ni maawang iran dálin mi, ni Banco mi ya pangiatolan tan panparakelan mi kuarta. Insan amta yo, saray indio ed sakop ko mitawalan lara, ya say labay da yabeba ray babayaran ed simbaan! Akanengneng kilan tan, ya arumog dan say ibabaga ra ed siak nimet et saray tarifan panagsingil nen arzobispo don
_____________________
1 Agko natalusan no akin et maerermen ak.
