mitipon tan ontulong ed sikaray artillería1 tan pigaran regimiento,2 kanian anggapoy makasengeg na pagaan da. Saray tutulisan naindultoan ira ya kabaliksan to niay napirdonan napunas
so amin iray kasalanan tan mauges a ginawgawa ra, tan iter ya
betang day kakatloy amin a nakelkel a kayamanan. Say sinyal
sakey a paltog na kanyon, et manlapod agda ya naalagar, say
inisip da nilodlurey dara labat a niloko, kanian nanbubuyak
lara, saray arum linma la rad panaayaman da, saray arum pinmapawil la rad palandey ya igagaem dan amin so ombales ed
kinen kastila ya komadua la man ya agto pakasumpal na salita
to. Saramay nanoulop a narel anunotan dan apaabig a sambotey inkiwala da lad man tan nilooban day inmonan asagmak
dan abong, balet ta gagala ra met ya iter ed kinen kastilan ampoti buek toy duaran kakatloy amin a naala ra no bilang ta
aleen tod sikara.
Manlapod say ibábaga ran itsura ton may kastila et kaparpara nen Simoun, anggapoy anisiad salaysay ton may tulisan, a pinapairap da ni ingen ya inkana da nid sikatoy mákinay electricidad ed saman ya impanpauges to. Balet ta lapod atawag so imanoy entiron Escolta ed inandipat nen alajero, insan ni nalmon asukayan ed panaayaman toy akamayamay a sákon pólvora tan abunton iran bála, singa la napatua may salaysay nen tulisan, tan diman la ginmapon nankalkalnan naamingaw so maamot ya talus ton man ya agáwa, ya singa makilot ya abalkot na lurem; saray mantotungtong maneesaesan ira, patakpatakan day sigam, tan mapagan kalilimgis, salsalita ran ag insusumpal, tan balbalikas iran nantarok na talús. Saramay akaamtay petepeteg ya agawa agda naupoupot so kelaw da, mabinbinta ran manpóti lupa ra, ya kulang labat lay kaambagel day arum ed impakapapaway day nambabangil iran apalabas dan ag naimano nen ona.
"Nangguyoray buck so inkilaban tayo! Agí, siopay makankuan!.....'
Diad ngarem ton man si Ben Zayb ya aseksek iray bolsa toy revolver tan bála, dinalaw toy Don Custodio tan asabí to yan mankikimey a mangipaparaay sakey a kanunotan a sung.
_________________
1 Saray ulop day sondalon mangaasikaso tan mangikakana ray kanyon, morteros (panangitopak na bumba nen saman) tan arum niran mákinan ikakanad bakal.
2 Katipónay pigaran togiop (company) na sondalo ya ipapanguloy sakey a koronel.
