pad saray alajeron amerikano. Walaray inopit ton pigaran maamoamot iran salita ed layag nen sumusulat ya impadalan to
ni rad impandakop ton sanduan lima to.
"Tua?" tepet nen Ben Zayb ya bansag na impangapkap to ray bolsa to tan mapatpatnag ya impesiaw na lupa to.
"Tan iner may pakarumogan dad sikato....."
Insumpal toy salita tod andawes iran malinlinew. Intagey toy sanduan taklay to ran inampar ed lupa to, ya inkukot toy daiset so kawanan nen say kawigi, impatikleb to ray dakluap ton impaarap ed dálin, kinopit toy mata ton sakey, kinmondang ya amidua, insan;
- "Psst! Psst!" kuanton inngisiw.
- "Saray brillante cy?" tinepet nen Ben Zayb.
"No naalmo da rad sikato....." Tan inandawes to ray gamet na lima ton kawanan ya pinatlek to ran impaarap ed sikaton nanlapod paway ya impaloob, a singa panangikápot na paypay, tan singa walay kekelkelen ton saray lima to bilang et singara mantetlek a payak na gilingan day toon daan a papatlekey dagem ono danum, a balibali panisimot dan papánisen ya ipapaarap cd sikaton dili nambabangil iran bengatlan walad kaisipan to. Binmales met si Ben Zayb ya angisinyas, inmolagat to ran maong so matá to, pinatagey ton imbasikaw iray kirep to, tan sinmongap a pinaspasia ya singa bilang nalmo lay klasi dagem a makapesel.
"Jhs!!!"
