Dakel iray sinintak day abalá ra; bukor nen Kápitan Toringoy so pinasekiapan toy matáy Isagani.
- "Saray papári?"
- "Si intsik Quiroga?"
- "Sakey ya estudiante?"
- "Si Makaraig?"
Mansigam si Kápitan Toringoy tan sankanengneng toy Isagani.
- Manpeyeng si Chichoy ya makakaimis.
- "Si alajeron Simoun!"
- "Simoun!!!"
Kapangibulos dad sayan ngaran abayag a keneng ed gaway inkikelawan da. Anto, si Simoun ya tatawagen day espiritu negro1 nen Kapitan General, si sankayamanan a komersiante ya lalaen dan amin ed abong ton panasaliway ankabli ran batón suelto, si Simoun a masiadoy abig na pananangkaili tod saramay mamarikit ya Orenda tan ontan lay panag kompliminto tan panangidayew tod sikara! Manlapod mairap a sisiaen, sinisia da la laingen a tampol. Credo quia absurdum2 kuanen San Agustin.
"Andid man ed punsiay Simoun sirin kalabian?" kuay tepet nen Sensia.
"On," kuay Momoy, "balet ia nanunotan ko natan! Tinmaynan nen kuanmi lan mandem. Linman aleen toy iregalo to.”
"Akin aliwan kaaro nen General?" Aliwa tan kamoyong nen Don Timoteo?"
"On, akimoyong ta piano mankanawnawad gaween to tan napatey to ran ami kakastila."
"Kuanko la!" kuanen Sensia; "natan ko la natalusan!"
"So?"
"Agyo lanti sisiaey Tía Tentay. Si Simoun andi arum no ag dilin demonio ya sinaliw ton ami kamarerua ray kakastila.....sikato la tay ibábagan sipor nen Tía Tentay!"
Angariamay Kapitana Loleng, tan nilimgis ton napnoy takut ira may ankablin batobató ta mapagpagan manmaliw iran
__________________
- 1 Managbangat one managipuyay mauges iran gawa.
- 2 Balikas ira nen San Agustin ed salitay latin ya niay labay dan ibaga: "Sisiaen ko manlapod sumlang a tuloy ed dalay maptek a panagnunot,"tan ipanengneng da sirin a say pananisia anggapoy kakanaan to no anggapo ray sumlang ed maptek a kidadalay inkapalsa, odino milagro.
