ngalab; si Kápitan Toringoy inoyos tod gamet toy singsing a
nanlapod Simoun.
"Si Simoun naandipat ya ag amtay nakar to," intuloy nen Chichoy; "aanapey Guardia Civil."
"Susto!" kuay Sensia, "naalmo ra sirin so demonio!"
Tan angariama. Natan da la antalusan ya amin, say ngalngalin agla nasisian kayamanan nen Simoun, say sansananey ya angob na abong to, ya angob na asupri. Si Binday, sakey met a marikit nen Orenda ya maganggana tan maparungtala kagagawa may pananalita, anunotan to met a walaray anengneng ton malayap ya apuy ya inanagan ed abong nen alajero nen sakey a ngarem a linmaran saninan analiw na ankablin bató.
- Si Isagani mantatalineng a maong, balet ta andi esel.
- “Kaniantin kalabian!....." kuay Momoy a makalkalna.
- "Kalabian?" kuanen Sensian inoman ya nantarok lay imon
so panetepet to.
Molimolí kalakal nen Momoy no ibaga to ono andi et nen anengneng ton mauges lay lupa nen Sensia, apakpel toy linawa to.
"Kalabian nen mamandem kami walay agawan guló; narep so apuy dimad pangakanan nen General. Kuanda ta tinakew na toon ag kabkabat imay lamparaan ya inregalo nen Simoun."
"Sakey a matakew? Sakey ed saray "Liman Andeket?" Inmalagey si Isagani ya amaspasiar dimad salas. "Agda narel a?"
"Tinmaboy ed ilog; anggapoy petepeteg ya akenengneng ed sikato. Walaray mangibagan kastila, kuanday arum ta intsik, sara met so arum, ibagaran indio......
"Say ibábaga ra" kuanen Chichoy, "so sikato man a lamparaay intalagan pamoul ed entiron abong, paninit na pólvora....."
Akigtot lamet si Momoy et nen naimano ton alikas nen Sensiay takut to, dinisimula to.
"Agay met la!" kuanton pinabiskeg so linawa to; "agay lay uges na ginawa ton man a matakew. Inatey ira komon ya amin....."
Ninengneng nen Sensian mapalaloy inkakebiew to; angariáma ra may bibiin wadman; si Kápitan Toringoy ta sipor ya antakut toy politika, nankalkalnan pinmaliis. Si Momoy inma rap ed Isagani.
