Si Matanglawin1 tatakotay lápag a Luzon. Ag nataltalaranan so pananábig day ipapangulo ton ulop day mamatakew. Bengatbengat dan looban so sakey a lúyag ya ag balot ilaloan a laen da, odino kasanlilikna onaan dan biglaan a takewan so sananey met a manpaparaan ni labat kalamor ed pilaban ed sikara. Poulan day sakey a darapilan ed Batangas tan deralen day kaunásan; diad kaimbuasan a tuloy pateyen day juez de paz ed báley na Tiani; diad ontumbok ya agew biglaan dan loobay sakcy a báley ed Kavite tan kelkelen dan amiy armas ed tribunal. Saray kaluyágan ed Central Luzon, manlapod Tayabas ya anggad Pangasinan, napapairap iran maong, tan say makatanagel a ngaran to nabibitlan anggad Albay ed bandad abaláten, tan diad amiánen, anggad Kagayan. Manlapod anggapoy ilaban day totoo ta insebel na Uley a maletey tan lawas mangaatap, so panbenben day armas, magmainomay iran napepelag cd lima to; no manasingger la, saray tomatálon ombatik lara ya taynan da lay kaumaan da, dakdakel so nanaandin natatakew a dueg tan baka, tan amin a panlalapoan to aagusay dalá tan dadalney apuy. Si Matanglawin agtora italtalek ya elekan toni ra ingen so amin ya ipapaakseb na Uley ya ambelat iran dusa ed saray tutulisan; saray nanairapan saray taga uma ya nararakep to ono duduksaen to no onlaban irad sikato, odino no minunong irad sikato natutolan iran nabakbak ono ipaalis na Uley, nimet no nasabi dani pasen a pangipaalisan dad sikara ya aglara ompatey ed dalán a singa bilang apaltog iran ag ginagala. Lapod sarayan tatakutan dad biek tan biek, dakdakel lad saray tomatálon so lablabien da lay mitipon a milad sikato.
Nisesengeg ed sayan uley na takut, say komersio ed saray kabalbaleyan ya aliling to lay manpapanabos, natutuloyan ya ompatey. Si mayaman ag ontalek a manbaroy, si duká Datatakut ya ipangaw na Guardia Civil ta sáraya diad kapapasout
_____________________
1 Matanglawin —Matey-bage.
