nen Carolino tan nangel so alaldak a paltog. Samay lakid mad
tapew na bató, tinmelek tan naandipat a bansag na ineyag ton
atiweng si Carolinod impakangel to.
Alikas so kalasakas dimad tagey a singa bilang saray wadman ya akasanib et nanbubuyak iran ataytayak a inmarap ed nanduruman pasen. Saramay sondalo natan ginapoan da lay kinmalab ya anggapo lay linmaban ed sikara. Binmutay lamet so sakey a lakid tapew na sanancy met a bató ya sankawaswas toy sakey a gayang; amaltog iramay sondalo tan samay lakí nankalkalnan nipatewek ya asinkaton pineketay sakey a sanga; pinatumbokan da lamet a pinaltog tan nipalopbob dimad bató.
Saramay guardiad satan kinmalab iran malikliksi ya akaiyay bayoneta ra tan sipaparaan iran mitulot a mialiweswesan; bukor nen Carolinoy manginngiras so kurang to, kanenengneng toy manligab ya ambilbilunget, ya ag naekal ed nunot toy eyag ton may laki nen atumban naknay bála to. Say inmonan akarapat ed tuktok asabí toy sakey a masiken a manpapanabos a nipasag dimad bató; dinuyok tod pagew na bayoneta, et si masiken ag kinmirem: ag onggalagalaw so matá tod kinen Carolino ya limgis toy ag nabaliksanan tan walay itoturoy kapukepukel a lima tod man ed biek da ran may bató.
Pinmigar ira may sondalo tan anengneng day Carolinon makapataktakut so impesiaw na lupa to, akasangi, tan sankanengneng ed matá toy sankaunoran a melamelag lan layap na nanaerep a kalakal to. Ta si Carolino andi arum no ag si Tanó ya anak nen Anakbanwan Tales a kapawipawil ton nanlapod Carolinas, tan abirbir toy láki ton Tandang Selo ed samay mansasagpot a masiken, a manlapod agto nia napisalitaan ta naemel lanti, singa ra mansasalitay manpapanabos lan matá to ya mangidadalem cd sikatoy maakdon kaermenan. Tan anggan bangkay la, siansia nin walay itoturoy lima tod biek da ran may bató.....
_____________________
1 Ayurán balatyang a taloray patarem to ya isosókcp ed sampot na kanyoy pupsil.
